Charter Document - 99900034
| Charter Number: | 99900034 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1332 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Henricus le Haywarde dedi concessi et hac presenti carta mea confirmavi Roberto Peckefithele de la Barnett[] totum tenementum meum cum domibus superedificatis et cum gardino in eodem tenemento existente et omnibus suis pertinenciis quod habui de dono et feoffamento Ricardi de Betoigne filii et heredis Willelmi de Betoigne quondam civis London[] in parochia Sancti Sepulcri extra Newgate London[] in comitatu Midd[] extra Barram de Westsmethefeld[] quod quidem tenementum cum suis pertinenciis situm est infra feodum hospitalis Sancti Iohannis de Clerkenwell inter tenementum eiusdem hospitalis ex partibus australi occidentali et aquilonari et vicum regium ex parte orientali habendum et tenendum totum predictum tenementum cum domibus superedificatis et cum gardino in eodem existente et omnibus suis pertinenciis prefato Roberto et heredibus suis et suis assignatis quibuscumque libere quiete integre bene et in pace in feodo et hereditate de capitalibus dominis feodi illius per servicia inde debita et consueta imperpetuum Et ego predictus Henricus et heredes mei warantizabimus acquietabimus et defendemus prefato Roberto et heredibus suis et suis assignatis quibuscumque totum predictum tenementum cum domibus superedificatis et cum gardino in eodem tenemento existente et omnibus suis pertinenciis sicut predictum est contra omnes gentes imperpetuum Pro hac autem donacione concessione presentis carte mee confirmacione warancia acquietancia et defensione dedit michi prefatus Robertus quandam pecunie summam premanibus et ut hec mea donacio concessio presentis carte mee confirmacio warancia acquietancia et defensio perpetuam optineant firmitatem presentem cartam sigilli mei impressione roboravi Hiis testibus Willelmo de Castello Philippo Dykeman Petro Atte Gate Ricardo Fabro Nicholao de Wyght Fulcon[] de Padingtone Simone de Acres Iohanne Dykeman Iohanne Dobelyn Iohanne de Sarum clerico et aliis Datum apud Clerkenwell die sabati proximo post festum Sancti Martini anno regni Regis Edwardi tercii post conquestum sexto