Charter Document - 99900033
| Charter Number: | 99900033 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1312 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Ricardus de Betoigne filius et heres Willelmi de Betoigne quondam civis London[] dedi concessi et hac presenti carta mea confirmavi Henrico le Heyward[] et Agneti de la Barnette uxori sue totum tenementum meum cum domibus superedificatis et cum gardino in eodem tenemento existente et omnibus suis pertinenciis quod habui de dono et feoffamento Roberti le Parker de Coldonertone de comitatu Leycestr[] in parochia Sancti Sepulchri extra Newgate London[] in comitatu Midd extra barram de Westsmethefeld[] quod quidem tenementum cum suis pertinenciis situm est infra feodum hospitalis Sancti Iohannis de Clerkenwell inter tenementum eiusdem hospitalis ex partibus australi occidentali et aquilonari et vicum regium ex parte orientali habendum et tenendum totum predictum tenementum cum domibus superedificatis et cum gardino in eodem tenemento existente et omnibus suis pertinenciis prefatis Henrico et Agneti et heredibus eorum vel eorum assignatis quibuscumque libere quiete integre bene et in pace in feodo et hereditate de capitalibus dominis feodi illius per servicia inde debita et consueta imperpetuum Et ego predictus Ricardus de Betoigne et heredes mei warantizabimus acquietabimus et defendemus prefatis Henrico et Agneti et heredibus eorum vel eorum assignatis quibuscumque totum predictum tenementum cum domibus superedificatis et cum gardino in eodem tenemento existente et omnibus suis pertinenciis sicut predictum est contra omnes homines et feminas imperpetuum Pro hac autem donacione concessione presentis carte mee confirmacione warancia acquietancia et defensione dederunt michi prefati Henricus et Agnes quamdam pecunie summam premanibus et ut hec mea donacio concessio presentis carte mee confirmacio warancia acquietancia et defensio perpetuam optineant firmitatem presentem cartam sigilli mei impressione roboravi Hiis testibus Rogero de Appelby Thoma de Meldeburne Galfrido Pennynge Roberto de Chygewell[] Philippo Dykeman Iohanne Flemmynge Roberto del Schyre Willelmo de Stanes Willelmo Crullinge Roberto Seryn Radulpho Clerico et aliis Datum apud Clerkenwell[] die dominica proximo post festum Sancti Vincencii martyri anno regni Regis Edwardi filii Regis Edwardi quinto