Charter Document - 99900031
| Charter Number: | 99900031 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1324 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Robertus de Nortone et Johanna uxor mea unanimi assensu dedimus concessimus et hac presenti carta nostro confirmavimus Sibilie de Melebourne totum mesuagium nostrum cum omnibus suis pertinenciis quod habuimus in parochia Sancti Sepulcri extra barram de Westsmethfeld[] videlicet totum illud mesuagium situm in longitudine a via regia versus orientem usque ad gardinum Thome Florye versus occidentem et in latitudine inter tenementum predicti Thome Florye versus aquilonem et tenementum prioris ecclesie hospitalis Sancti Iohannis de Clerkenwell versus austrum habendum et tenendum predictum mesuagium cum omnibus suis pertinenciis predicte Sibilie heredibus suis et assignatis de capitalibus dominis feodi illius libere quiete integre bene et in pace in feodo et hereditario imperpetuum Reddendo inde annuatim capitalibus dominis illius feodi recta servicia inde debita et de iure consueta et nos vero predictus Robertus et Johanna uxor mea heredes nostri totum predictum mesuagium cum omnibus suis pertinenciis prefate Sibilie heredibus suis et assignatis ut predictum est contra omnes gentes warantizabimus acquietabimus et per predictum servicium defendemus imperpetuum Pro hac autem donacione concessione warantizacione defencione et presentis carte nostre confirmacione prefata Sibilia dedit nobis quandam summam pecunie premanibus et ut hec nostra donacio concessio et presentis carte nostre confirmacio rata et stabilis permaneat imperpetuum huic presenti carte nostre sigilla nostra apposuimus Hiis testibus Henrico le Haywarde Thome Florye Galfrido Pennynge Philippo Digeman Iohanne Flemmynge Ricardo Fabro Fulcone de Padinctone et multis aliis Datum apud Westsmythfeld[] die dominica proximo ante festum apostolorum Philippi et Jacobi anno regni Regis Edwardi filii Regis Edwardi septimo decimo