Charter Document - 99900030
| Charter Number: | 99900030 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1388 |
| Date type: | Internal, Feast, Regnal |
| Resource Link(s): |
|
Charter:
Hec indentura testatur quod nos Frater Iohannes Radyngton[] prior et fratres hospitalis Sancti Iohannis Ierusalem in Anglia unanimi assensu et voluntate concessimus et ad firmam dimisimus Willelmo West et Agneti uxori eius quinque tenementa in Clerkenwelstrete cum gardinis eisdem adiacentibus quorum duo tenementa simul iacent inter domum predicti Willelmi in qua inhabitat ex parte australi et redditum prioris ecclesie Sancti Iohannis ex parte boriali et tria tenementa simul iacent inter domum predicti Willelmi ex parte boriali et tenementum Willelmi Herbert ex parte australi habenda et tenenda predicta quinque tenementa cum pertinenciis suis et gardinis adiacentibus prefatis Willelmo et Agneti uxori eius ad terminum vite sue et eorum alterius diucius viventis Reddendo inde annuatim preceptori domus nostre de Clerkenwell qui pro tempore fuerit viginti duos solidos sterlingorum ad quatuor anni terminos usuales et supportando omnia alia onera eisdem tenementis qualitercumque incumbencia per terminum supradictum sustentando et reparando de anno in annum bene et competenter dicta quinque tenementa sumptibus ipsorum Willelmi et Agnetis durante termino suo et ill[] in fine eiusdem termini in bono statu dimittendo Et si contigat predictos Willelmum et Agnetem in solucione dicte firme sue in parte vel in toto post aliquem terminum prenotatum per unum mensem aretro esse aut in reparacone et sustentacione dictorum quinque tenementorum deficere tunc liceat nobis et successoribus nostris in predictis tenementis distringere et districciones retinere quousque de predicta firma seu reparacione plenarie fuerit satisfactum Et si nulla sufficiens districcio in predictis tenementis inveniri poterit tunc bene liceat nobis et successoribus nostris dicta tenementa reingredi et retine ut in pristino statu imperpetuum ad que omnia et singula premissa bene et fideliter tenenda et observanda pro parte ipsorum Willelmi West et Agnetis uxoris eius iidem Willelmus et Agnes uxor eius obligant se heredes et executores suos ac omnia bona et catalla sua per presentes In cuius rei testimonium sigillum nostrum communione et sigillum dictorum Willelmi et Anetis uxoris eius Hiis indenturis alternatim sunt appensa Datum apud Clerkenwell in celebracione capituli nostri ibidem die martis proximo ante festum Sancti Barnabe Apostoli anno regni Regis Ricardi secundi post conquestum undecimo