Charter Document - 99900029
| Charter Number: | 99900029 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1306 |
| Date type: | Internal, A.D., Feast |
| Resource Link(s): |
|
Charter:
Universis ad quos presens carta pervenerit Frater Willelmus de Tothale Sancte domus hospitalis Sancti Iohannis Ierusalem in Anglia prior humilis et fratres eiusdem domus salutem in domino Noverit universitas nos unanimi assensu et voluntate fratrum tocius capituli nostri dedisse concessisse et hac presenti carta nostra confirmasse Iohanni de Burton totum illud mesuagium cum suis pertinenciis quod habuimus in Clerkenwelstrate in parochia Sancti Sepulchri extra barram de Westsmythfeld London quod quidem mesuagium iacet iuxta mesuagium quod Willelmus Hepe tenet in eadem parochia ex parte boriali et abuttat in parte orientali super viam regiam exoposito super Herniescrofte habendum et tenendum cum omnibus suis pertinenciis una cum illa parte mesuagii quam Willelmus Pynkeney quondam tenuit predicto Iohanni Burton ac heredibus et assignatis suis libere quiete bene et in pace imperpetuum Reddendo inde annuatim nobis et successoribus nostris et fratribus domus nostre predicte septem solidos sterlingorum ad quatuor anni terminos principales et usuales per equales porciones et nos predicti prior et fratres et successores nostri totum predictum mesuagium una cum dicta parte mesuagii et omnibus eorum pertinenciis predicto Iohanni de Burton heredibus et assignatis suis quibuscumque contra omnes gentes warantizabimus et per predictum redditum annuatim septem solidorum acquietabimus et defendemus imperpetuum pro hac autem nostra donacione concessione warencia defensione et presentis carte nostre confirmacione dedit nobis prefatus Iohannes de Burton quandam pecunie summam premanibus in gersumam In cuius rei testimonium sigillum communione domus nostre et sigillum mei fratris Willelmi presenti carte apposuimus Hiis testibus fratre Roberto de Somerby et aliis Datum apud Melcheburn in celebracione capituli nostri die martis proximo ante festum Sancti Barnabe Apostoli anno domini millesimo trecentesimo sexto