Charter Document - 99900027
| Charter Number: | 99900027 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1365 - 1366 |
| Date type: | Internal, Regnal |
| Resource Link(s): |
|
Charter:
Hec indentura facta inter Fratrem Iohannem Paveley priorem et Fratres hospitalis Sancti Iohannis Ierusalem in Anglia ex parte una et Iohannem de Mitford[] civem et pannarium London[] ex parte altera testatur quod predicti prior et fratres hospitalis predicti dederunt concesserunt et hac presenti carta sua confirmaverunt predicto Iohanni de Mitford[] unum gardinum in parochia Sancti Sepulchri extra barram de Smythefeld[] quod Henricus Taisere et Sibilla filia eiusdem henrici tenuerunt ad terminum vite eorundem ex dimissione Fratris Philippi de Thame nuper prioris et fratrem hospitalis predicti prout in quadam indentura predicto Henrico et Sibille inde confecta plenius apparet habendum et tenendum predictum gardinum predicto Iohanni de Mitford et heredibus de corpore suo legitime procreatis de predictis priore et successoribus suis reddendo inde annuatim predictis priori et successoribus ad totam vitam ipsius Iohannis de Mitford duodecim denarios argenti ad festa pasche et Sancti Michaelis per equales porciones et post decessum dicti Iohannis de Mitford quolibet anno duos solidos argenti ad festa prenominata imperpetuum [] Datum apud Melcheborn[] anno Regis Edwardi tercii post conquestum tricesimo nono