Charter Document - 99900026

Sciant presentes quod nos Frater Iohannes Radyngton[] prior hospitalis Sancti Iohannis Ierusalem in Anglia et eiusdem hospitalis confratres unanimi assensu et consensu dedimus concessimus et per presens indenturam confirmavimus domino Willelmo de Beauchampe domino Willelmo Nevyll[] domino Willelmo Walworth[] militibus et domino Ricardo de Warmyngton[] capellano tres acras terre iacentes extra barram de Westesmythfeld[] London[] in quodam croftum terre vocatum Hervyescrofte que quidem terre iacent inter terram quam Iohannes Paveley nuper prior hospitalis predicti et eiusdem loci confratres nuper dederunt concesserunt et per scriptum earundem confimaverunt Waltero domino de Manny Ricardo Evesham et Iohanni Whittewell[] ex parte australi et terram predictorum prioris et confratrum ex parte aquilonari habendas et tenendas predictas tres acras terre prefatis Willelmo Willelmo et Ricardo heredibus et assignatis eorum de capitalibus dominis feodi illius per servicia inde debita et consueta imperpetuum Reddendo inde annuatim nobis et successoribus nostris octo solidos sterlingorum videlicet pro qualibet acra predictarum acrarum duos solidos et octo denarios sterlingorum ad quatuor anni terminos usuales ad festa Sancti Michaelis Natalis domini Annunciacionis dominice nativitatis Sancti Iohannis Baptiste per equales porciones Et si contingat quod absit predictum redditum octo solidorum pro tribus acris predictis aretro esse in parte vel in toto per unum mensem post aliquem terminum predictum quod ex tunc bene liceat predictis priori et confratribus et successoribus totam predictam terram cum omnibus bonis et catallis in eadem inventis in manibus retinere dicta bona et catalla ubicumque sibi placuerint abducere et asportare et dictam terram cum bonis et catallis predictis penes se habere donec eidem priori qui pro tempore fuerit de redditu predicto cum arreragiis plenarie fuerit satisfactum Et si sufficiens districcio in dicta terra inventa non fuerit liceat prefatis priori et confratribus Sancti Iohannis distringere in omnibus tenementis et redditibus que et quos habent prior et conventus domus salutacionis Matris ordinis Cartus[] tam infra civitatem London[] quam extra donec de predicto redditu et arreragiis si que fuerint satisfactum fuerit et predicti prior et confratres pro se et successoribus suis totam terram trium acrarum predictarum cum suis pertinenciis in forma predicta predictis Willelmo Willelmo et Ricardo heredibus et assignatis eorum contra omnes gentes warantizabunt et defendent imperpetuum In cuius rei testimonium predicti prior et confratres Sancti Iohannis uni parti huius indenture penes prefatos Willelmum Willelmum Willelmum et Ricardum remanenti suum sigillum communione apposuerunt alteri vero parti penes prefatos priorem et confratres remanenti prescripti Willelmus Willelmus Willelmus et Ricardus sua sigilla apposuerunt Datum apud Cressynge Temple in celebracione capituli nostri die martis proximo post festum Sancti Barnabe anno regni Regis Ricardi secundi post conquestum septimo