Charter Document - 99900025

Richardus Dei gracia Rex Anglie et Francie et dominus Hibernie omnibus ad quos presentes littere pervenerint salutem Sciatis quod de gracia nostra speciali pro eo quod intelleximus quod dilecti nobis in Christo Frater Robertus Hales prior hospitalis Sancti Iohannis Ierusalem in regno nostro Anglie et confratres sui eiusdem hospitalis ibidem concordati sunt ad dandum et assignandum dilectis nobis in Christo priori et conventui domus salutacionis Matris Dei ordinis Cartus[] iuxta civitatem nostram London[] quatuor acras terre iacentes prope dictam domum Cartus[] et pertinentes ad domum Clerkenwelle que ad hospitale predictum pertinet habendas et tenendas predictis priori et conventui dicte domus ordinis Cartus[] et successoribus suis ad includendum et gardina inde facienda pro cellis ipsorum prioris et confratrum eiusdem domus imperpetuum in casu et quam prius de nostro licencia ecclesia de Melchebourne que de patronatu ipsorum prioris et confratrum dicti hospitalis existit et ad octo marcas taxatur per annum ut dicunt eisdem priori et confratribus hospitalis predicti et successoribus suis imperpetuum appropriata Nos ad finem quod id quod sic concordatur ut predictum est ad quietem ipsorum prioris et conventus ordinis Cartus[] supradicti debiter sociatur effectum concessimus et licenciam dedimus pro nobis et heredibus nostris quantum in nobis est prefatis priori et confratribus hospitalis predicti quod ipsi dictam ecclesiam de Melchebourne appropriare et in proprios usus tenere possint sibi et successoribus suis ex causa supradicta imperpetuum statuo de terris et tenementis ad manum mortuam non ponendis edito non obstante In cuius rei testimonium has litteras nostras fieri fecimus patentes Teste me ipso apud Westmonasterium decimo octavo die maii anno regni Regis nostri primo