Charter Document - 99900023

Hec indentura testatur quod Frater nos Robertus Malorre prior hospitalis Sancti Iohannis Ierusalem in Anglia et confratres nostri unanimi assensu et voluntate concessimus et ad firmam dimisimus Iohanni Grene septem gardina nostra simul iacencia cum duobus cotagiis super edificatis inter venellam que ducit versus Wallokesberne ex parte orientali et vicum regium vocatum Oldestrete ex parte australi et stratam regiam que ducit versus Iselton[] ex parte occidentali et terram Thome Frowyke ex parte boriali concessimus insuper eidem Iohanni alterum gardinum iuxta Oldestret predictum ex parte australi et tenementum Hugonis Mayne ex parte occidentali et terram predicti Thome Frowyke ex partibus boriali et orientali una cum exitibus et proficuis curie eisdem gardinis et cotagiis spectantibus habenda et tenenda omnia gardina cum duobus cotagiis ac exitibus et proficuis curie supradicte eidem Iohanni heredibus et assignatis suis a festo nativitatis Sancti Iohannis Baptiste ultimo preterito ante datum presencium usque ad finem et terminum quater viginti annorum proximorum sequencium et plenarie completorum Reddendo inde annuatim nobis et successoribus nostris triginta tres solidos et quatuor denarios usualis monete Anglie ad duos anni terminos videlicet ad festa nativitatis Domini et nativitatis Sancti Iohannis Baptiste equis porcionibus et predictus Iohannes heredes et assignati sui predicta gardina ac cotagia reparabunt manutenebunt et sustentabunt ut in clausuris haris fossatis [] pertinenciis bene et competenter suis sumptibus propriis et expensis per totum terminum supradictum et ea in bono et competenter statu in fine terminum supradictum dimittent facient insuper et supportabunt predictus Iohannes heredes et assignati sui omnia alia onera et servicia dictis gardinis et cotagiis pertinencia sive qualitercumque spectancia sumptibus suis propriis durante termino ante dicto Et si predictus redditus triginta trium solidorum et quatuor denariorum post aliquem terminum quo solvi debeat aretro fuerit per unum mensem non solutus tunc bene liciat et licebit nobis et successoribus nostris in dictis gardinis et cotagiis intrare et distringere districciones que captas libere abducere asportare effugare et penes nos retinere quosque ad predicto redditu una cum dampnis et arreragiis eiusdem si que fuerint nobis et successoribus nostris plenarie fuerit satisfactum et persolutum et si dictus redditus aretro fuerit per tres menses ut predictum est minime solutum aut sufficiens districcio in dictis gardinis et cotagiis non inveniatur vel si predicti gardinum et cotagium cum clausuris et reparacione ut predictum est sufficienter non fiant tunc bene liceat et licebit nobis et successoribus nostris in dictis gardinis et cotagiis reintrare et ea in pristino statu nostro reassumere et retinere hac concessione non obstante In cuius rei testimonium sigillum nostrum commune et sigillum predicti Iohannis presentibus alternatim sunt appensa Datum in domo nostra de Clerkenwell in celebracione capituli nostri ibidem die martis ultimo die mensis iunii anno regni regis Henrici sexto post conquestum decimo septimo