Charter Document - 99900022

Hec indentura testatur quod Frater Walterus Grendon[] prior hospitalis Sancti Iohannis Ierusalem in Anglia et eiusdem loci confratres unanimi assensu et consensu concesserunt et ad firmam dimiserunt Willelmo Russell[] civi et piscenario London[] quandam parcellam terre vacue iacentem apud Oldstrete in comitatu Midd[] in latitudine inter terram dicti Willelmi ex parte occidentali et terram prebende Sancti Pauli London[] vocatam Wallokkesberne ex parte orientali et longitudinem inter terram predicte prebende ex parte boriali et viam regiam ex parte australi habendam et tenendam predictam parcellam terre vacue predicto Willelmo executoribus et assignatis suis a festo Nativitatis Domini proximo futuro post datum presencium usque ad finem sexaginta annorum ex tunc proximorum sequencium et plenarie completorum Reddendo inde annuatim dictis priori aut successoribus suis seu eorum certo attornato tres solidos et quatuor denarios sterlingorum ad duos terminos anni videlicet ad festa nativitatis Sancti Iohannis Baptiste et Natalis Domini per equales porciones et si predictus redditus trium solidorum et quatuorum denariorum aretro fuit in parte vel in toto ultra aliquem terminum predictum per quindecim dies tunc bene liceat dicto priori et successoribus suis super predictam parcellam terre distringere [] Et si sufficiens districcio ibidem pro predicto redditu non inveniatur tunc bene liciat dictis priori et successoribus suis in predicta parcella terre reintrare cum omnibus bonis et catallis ibidem inventis ut in statu suo pristino dictum que Willelmum executores et assignatos suos inde totaliter expellere et amonere sine contradiccione aliquali In cuius rei testimonium tam sigillum commune dictorum prioris et confratrum quam sigillum dicti Willelmi hiis indenturis alternatim sunt appensa Datum apud Clerkenwell[]