Charter Document - 99900015
| Charter Number: | 99900015 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1354 |
| Date type: | Internal, Feast, Regnal |
| Resource Link(s): |
|
Charter:
Memorandum quod die sancti Vincencii videlicet vicesimo secundo die ianuarii anno regni Regis Edwardi tercii a conquestu vicesimo septimo frater Nicholaus de Hales prior fontis clericorum London[] frater Rogerus de Mulyton[] frater Hugo Archer frater Thomas Pypard[] et alii fratres et preceptores hospitalis Sancti Iohannis Ierusalem in Anglia presentarunt Domino Regi in Turri London[] in camera sua prope magnam aulam versus Thamisiam tunc existenti ex parte superioris magistri dicti hospitalis de Rodes fratrem Iohannem de Pavely quem dictus magister in priorem hospitalis in Anglia prefecerat supplicantes eidem Domino Regi quod ipsum fratrem Iohannem Pavely in priorem eiusdem hospitalis admittere et ea que ad dictum hospitale in Anglia pertinent administrare et inde disponere permittere dignaretur asserverunt que iidem presentantes aliquem priorem ipsius hospitalis fidelitatem dicto Domino Regi aut suis progenitoribus hactenus numquam fecisse salva una vice qua frater Leonardus de Tibertis de Monte Leonis nuper prior eiusdem hospitalis fecit eidem Domino Regi fidelitatem sub protestacione quod hoc non cederet imposterum in preiudicium predicti hospitalis et factis presentacione et assercione predictis dictus Dominus Rex prefatum Iohannem Pavely in priorem dicti hospitalis in Anglia in forma predicta admisit et ad preceptum Domini Regis et consilii sui tunc ibidem existentis idem prior fecit fidelitatem eidem Domino Regi sub protestacione quod non cederet in preiudicium dicti hospitalis infuturum