Charter Document - 99900014

Rex Thesaurario et baronibus suis de scaccario salutem Cum nuper ad prosecucionem dilecti nobis in Christo Fratris Philippi de Thame prioris hospitalis Sancti Iohannis Ierusalem in Anglia nobis suggerentis omnia terre et tenementa eiusdem hospitalis tam ea que quondam fuerunt magistri et Fratrum ordinis milicie templi in Anglia in manibus ipsius prioris et fratrum eiusdem hospitalis existencia quam alia de hospitali predicto ob defensionem sacrosancte ecclesie terre sancte et Christianorum contra paganos et saracenos et alios Christi et Christicolarum iminicos aceciam pro divinis obsequiis et refeccione pauperum ac aliis pietatis operibus sustentandis dictis hospitali et templo originaliter datis et assignatis fuisse in perpetuam elemosinam habendis dicta que terras et tenementa ratione mutacionis alicuius prioris hospitalis illius seu magistri dicti templi aut cessionis vel mortis eorundem in manus progenitorum nostrorum seu nostras capi vel seisiri aut exitus aliquos inde ad opus dictorum progenitorum nostrorum vel nostrum percipi nullatenus consuevisse nec predictos priores vel magistros fidelitates aliquas ratione terrarum et tenementorum predictorum ipsis progenitoribus nostris aut nobis fecisse nisi tantum fratrem Leonardum de Tibertis ultimum priorem hospitalis predicti qui nobis nuper quandam fidelitatem fecit sub protestacione videlicet quod fidelitas illa non cederet in preiudicium hospitalis predicti temporibus futuris pretextu cuiusdam manucapcionis quam idem prior invenit coram nobis in cancellaria nostra de respondendo nobis de exitu terrarum et tenementorum predictorum si ad nos per mortem ipsius Leonardi pertinere debuissent et de faciendo fidelitatem suam si eam nobis facere teneretur Mandaverimus diversis escaetoribus in quorum ballivis terre et tenementa predicta exstiterunt quod manum nostram de terris et tenementis illis occasione mortis prefati Leonardi per ipsos escaetores in manum nostram captis facerent amoneri et quod exitus si quos inde percepissent prefato priori integre per huius manucapcionem restituerent ac licet postmodum per scrutinium rotulorum cancellarie duorum Henrici proavi Edwardi avi Edwardi patris nostrorum quondam regum Anglie inde per avisamentum consilii nostri factum non fuisset compertum quod alique terre seu tenementa priorum hospitalis seu magistrorum templi predictorum in Anglia per mortem vel cessionem priorum seu magistrorum eorundem capta fuerunt in manus dictorum proavi avi et patris nostrorum aut quod iidem priores vel magistri aliquam fidelitatem temporibus retroactis regibus fecerunt pro terris et tenementis supradictis nisi tantum prefatus Leonardus sicut predictum est volentes tamen ut tam pro nobis quam pro ipso priore in hac parte fieret quod iustum foret plenius cerciorari si aliquibus progenitoribus nostris ad scaccarium suum de exitu aliquibus terris seu tenementis dicti hospitalis vel eciam eiusdem templi occasione mortis mutacionis vel cessionis alicuius prioris dicti hospitalis seu alicuius magistri dicti templi responsum fuisset necne vobis mandaverimus quod scrutatis rotulis et memorandis scaccarii predicti premissa tangentibus nos de eo quod inde inveniretis sub sigillo eiusdem scaccarii distincte et aperte certificaretis et demande prefato priori aut dictis manucaptoribus suis pro fidelitate et exitibus predictis faciend[] interim supersederi faceretis ac vos nos certificaveritis quod scrutatis rotulis et memorandis scaccarii nostri super premissis non comperuistis quod responsum est aliquibus dictorum progenitorum nostrorum ad scaccarium de exitu terrarum seu tenementorum prioris hospitalis Sancti Iohannis Ierusalem in Anglia seu magistri et fratrum milicie templi in Anglia occasione mortis mutacionis seu cessionis alicuius prioris dicti hospitalis seu alicuius magistri dicti templi nisi tantummodo una vice videlicet quod responsum fuit Domino Edwardo nuper Regi Anglie patri nostro de exitu terre et tenementorum dictorum magistri et fratrum milicie templi in manu ipsius patris nostri anno regni sui vii pretextu adnullacionis ordinis dictorum magistri et fratrum dicti templi existencium nos considerantes non esse iuri consonum quod dictus nunc prior de dicta fidelitate nobis pretextu huius fidelitatis semel sub protestacione ut premittitur facta faciend[] seu de dictis exitibus nobis reddendis ratione percepcionis huius exituum de dictis terris et tenementis que fuerunt dictorum magistri et fratrum templi tempore adnullacionis ordinis illius oneretur ac volentes eidem nunc priori in hac parte fieri quod est iustum vobis mandamus quod ipsum priorem de dicta fidelitate et tam ipsum quam manucaptores suos de dicta manucapcione sua ac de exitu provenientibus tam de terris dicti hospitalis quam de terris que fuerunt dictorum magistri et fratrum dicti templi occasione mortis predicti Leonardi in manum nostram captis erga nos ad dictum scaccarium penitus exonerari et quietos esse faciatis iure nostro si quod nobis competat in premissis semper saluo Teste me ipso apud Aukeland[] vii die decembris anno regni regis nono