Charter Document - 99900013
| Charter Number: | 99900013 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | |
| Date: | 1335 |
| Date type: | Internal, Regnal |
| Resource Link(s): |
|
Charter:
Rex dilecto sibi Gilberto de Ledrede Escaetori suo in comitatibus Lincoln[] North[] et Rotel[] salutem Ex gravi querela dilecti nobis in Christo fratris Philippi de Thame prioris hospitalis Sancti Iohannis Ierusalem in Anglia nobis est ostensum quod cum omnia terre et tenementa eiusdem hospitalis tam ea que quodam fuerunt magistri et fratrum ordinis milicie templi in Anglia in manibus ipsius prioris et fratrum eiusdem hospitalis existencia quam alia de hospitali predicto ob defensionem sacrosancte ecclesie terre sancte et Christianorum contra paganos saracenos et alios Christi et Christicolarum inimicos aceciam pro divinis obsequiis et refeccione pauperum et aliis pietatis operibus sustentando dictis hospitali et templo originaliter data et assignata fuissent in perpetuam elemosinam habend[] et licet predicta terre et tenementa ratione alicuius mutacionis prioris et hospitalis illius seu magistri dicti templi aut cessionis vel mortis eorundem in manus progenitorum nostrorum seu nostras capi vel seisiri aut exitus aliqui inde ad opus dictorum progenitorum nostrorum vel nostrum percepi nullatenus consuevissent nec debuissent nec iidem priores vel magistri fidelitates aliquas ratione terrarum et tenementorum predictorum ipsis progenitoribus nostris aut nobis fecissent nisi tantum Leonardus de Tibertis ultimus prior hospitalis predicti qui nobis nuper quandam fidelitatem fecit sub protestacione videlicet quod fidelitas illa non cederet in preiudicium hospitali predicto temporibus futuris vos nichilominus et subescaetores in comitatibus predictis tam terras et tenementa ipsius prioris dicti hospitalis quam terras et tenementa que fuerunt dictorum templariorum occasione mortis predicti Leonardi capi fecistis in manum nostram in ipsius prioris grave dampnum et preiudicium manifestum super quo nobis supplicauit ut ei faciamus de congruo remedio provideri Nos pro eo quod prefatus prior invenit coram nobis in cancellaria nostra manucaptores videlicet Michaelem de Wath[] Henricum de Edenstowe Magistrum P[] et controne Willelmum de Langeford[] et Iohannem de Assheby qui manuceperunt pro prefato priore ad respondendum nobis citra quindenam pasche proximo futuro vel in eadem quindena de exitu terre et tenementorum predictorum si per mortem predicti Leonardi ad nos debeant pertinere et de faciendo fidelitatem suam nobis si eam nobis facere teneatur Nolentes ipsum priorem in hac parte pregravare vobis mandamus quod manum nostram de terris et tenementis predictis per vos et subescaetores vestros in manum nostram occasione mortis ipsius Leonardi sic captis sine dilacione amoneri facit vos inde ulterius non intromittentes et exitus inde si quos inde perceperitis prefato priori plene et integre restituatis et districcionem si quam eidem priori pro fidelitate aliqua nobis pro terris et tenementis predictis faciend[] feceritis ei interim sine dilacione deliberetis per manucapcionem supradictam Teste Rege apud Rokesburgh quarto die ianuarii [per consule]