Charter Document - 99900010

Omnibus Christi fidelibus ad quos presens scriptum indentatum pervenerit Nos fratres Robertus Malore prior hospitalis Sancti Iohannis Ierusalem in Anglia ac Thomas Launceleve Tricoplerius Rodi et preceptor de Dalby et Rotheley Ricardus Panle de Temple Bruer Willelmus Rook de Dynmore Robertus Daungeus de Ossynton[] Walterus Barle de Halston[] Henricus Corbet de Batesford[] Iohannes Prendregest de Grenham Andreas Briggeford[] de Yenele Willelmus Tonge de Beverley Iohannes Argom de Shenegey Thomas Weston[] de Ribstan[] Edmundus Asshton[] de Trebighe Robertus Botill[] de Melcheborn[] Iohannes Ellum de Templecombe Hugo Midelton[] de Willughton[] Henricus Totty de Slebache Willelmus Langstrother de Quenyngton[] et Iohannes Morton[] de Hoggeshawe preceptores ac Iohannes Stillyngflete eiusdem hospitalis confrater salutem in Domino sempiternam Attente considerantes huius exilii brevitatem et quod fragilitatis humane condicio statum habet instabilem et que visibilem habent essenciam tendunt in dies ad non esse cum nichil est morte certius nichil que incertius hora eius volentes que igitur animas nostras et predecessorum et successorum nostrorum carnis ergastulo absolutas eterno patri per placabile sacrificium in altari mediatoris Dei videlicet et hominum Domini nostri Iesu Christi et alia oracionum devota suffragia specialius commendari et requiem consequi post laborem ad nostrum et dictorum predecessorum et successorum nostrorum perpetuum memoriale unanimi assensu et consensu omnium nostrum in nostro capitulo provinciali die martis sexto die mensis iulii anno domini millesimo quatrocentesimo tricesimo quarto in domo nostra de Clerkenwell[] celebrato statuimus ordinavimus concessimus et confirmavimus pro nobis et successoribus nostris imperpetuum priori sive suppriori et conventui ecclesie nostre de Clerkenwell predictis tam fratribus nostri ordinis quam secularibus presbiteris et clericis aliis quibuscumque in dicta ecclesia nostra Deo continue servientibus quod ipsi habeant unam pitanciam et viginti solidos monete Anglie habendos et soluendos eisdem sextodecimo die mensis marcii annuatim de nobis priore predicto et successoribus nostris prioribus imperpetuum Ita quod dicti prior ecclesie nostre sive supprior et conventus dicto die marcii annuatim anniversarium pro animabus omnium priorum dicti hospitalis Anglie tam preteritorum quam futurorum et specialiter pro anima venerabilis memorie fratris Walteri Grendon[] nuper prioris eiusdem hospitalis quo die marcii eius anima migravit a corpore qui et istud anniversarium primo constituit perimplendum videlicet cum placebo et dirige ac missa solempniter celebrare teneantur volumus eciam et concessimus nos dictus prior hospitalis pro nobis et successoribus nostris prioribus quod prefati prior ecclesie sive supprior et conventus habeant in die decessus nostri et eciam omnium et singulorum successorum nostrorum priorum ubicumque decedencium tamen centum solidos monete Anglie in dicta domo nostra de Clerkenwell[] percipiendos de bonis nostris seu ipsorum successorum nostrorum priorum sic quod dicti prior ecclesie sive supprior et conventus dictum officium mortuorum ut predicitur pro anima nostra specialiter et animabus omnium et singulorum successorum nostrorum priorum pro tempore decedencium modo meliori et forma quibus sciverint per omnia studeant perimplere Insuper volumus concedimus et confirmamus nos prefatus prior hospitalis et preceptores predicti pro nobis et successoribus nostris preceptoribus quod predicti prior ecclesie sive supprior et conventus in primo obitu sive decessu tamen cuiuslibet et singuli nostrum preceptorum nostrorum sive extra sive infra dictum regnum Anglie moriencium habeant et percipiant de bonis nostris et singuli nostrum preceptorum sive preceptoris pro tempore decedencium sive decedentis per manus receptorum sive receptoris communis thesauri dicti hospitalis qui pro tempore fuerint sive fuerit viginti solidos monete Anglie ita quod prefatum officium mortuorum cum missa pro animabus nostris et ipsorum preceptorum sive preceptoris decedencium sive decedentis in audiencia honorabiliter prout decet exsoluere et perficere teneantur Preterea volumus ordinamus concessimus et confirmamus nos sepefati prior et preceptores pro nobis et successoribus nostris preceptoribus quod dicti prior ecclesie sive supprior et conventus quolibet anno in festo Sancti Gregorii Pape et doctoris mense martii generaliter pro animabus omnium priorum dicti hospitalis Anglie et preceptorum sive infra sive extra dictum regnum decedencium sive moriencium aceciam mortuorum tam preteritorum quam futurorum et specialiter pro animabus prioris et preceptorum superius prescriptorum qui istud anniversarium suis temporibus fieri premitus ordinarunt predictum officium mortuorum cum missa solempniter et honorabiliter faciant prout decet percipiendo de nobis predictis preceptoribus et successoribus nostris et in nostris absenciis aut ipsorum successorum nostrorum preceptorum procuratoribus et firmariis nostris et illorum successorum secundum ratam xx denariorum sterlingorum solvendorum quolibet anno in nostro capitulo provinciali Anglie ubicumque infra dictum regnum fuerit celebratum ad manus dictorum prioris ecclesie sive supprioris et conventus aut alicuius seu aliquorum ipsorum ibidem procuratoris vel procuratorum per eosdem personaliter constituti sive constitutorum una cum tresdecim solidis et quatuor denariis sterlingorum Anglie eisdem de communi thesauro dicti hospitalis per manus receptorum sive receptoris eiusdem qui pro tempore fuerint aut fuerit pro obitu generali omnium confratrum et sororum religionis nostre per universum mundum viam universe carnis ingressorum die mercurii tempore capituli singulis annis habendis et solui consuccessoribus Et predicti prior ecclesie sive supprior et conventus obligant se et suos successores imperpetuum per iusticiam religionis ad omnia predicta perimplenda ut predicitur aceciam ipsi et eorum successores nomina omnium et singulorum priorum et preceptorum abhuic inde decedencium in suo martilogio sue alibi ad istud suorum et illorum successorum perpetuum memoriale perimplenda ac omnipotenti Deo Beate Marie Sancto Iohanni Baptiste ac omnibus sanctis devocius commendanda in eorum salutem animarum scribent seu scribi alias procurabunt In cuius rei testimonium tam sigillum nostrum commune quam sigillum ipsorum prioris ecclesie supprioris et conventus hiis indenturis alternatim sunt appensa Data in dicta domo nostra de Clerkenwell[] in capitulo nostro ibidem celebrato die et anno Domini supradictis