Charter Document - 99900008
| Charter Number: | 99900008 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1430 |
| Date type: | Internal, A.D., Feast |
| Resource Link(s): |
|
Charter:
Reverendo religioso viro in Christo visceribus specialius amplectendo fratri Willelmo Hulles priori hospitalis Sancti Iohannis Ierusalem in Anglia vestri humiles et devoti Iohannes prior licet indignus domus salutacionis Matris Dei Ordinis Cartusien[] prope London[] et eiusdem loci conventus reverenciam debitam et condignam ac per orationum suffragia celestium consequi premia gaudeorum Vestre eximie caritati nobis dudum affectuose monstrate in rebus et negociis domui nostre valde necessariis vices spiritualiter prout dominus donaverit rependere cupientes unanimi assensu concedimus vobis officium anniversarii perpetuum pro anime vestre remedio postquam ab hac luce substracta fuerit per nos et successores nostros singulis annis imperpetuum persolvendum et ne processu temporis oblivione deleatur a memoria ipsum anniversarium in nostro martilogio conscribemus Insuper affeccione speciali concedimus vobis quod cum obitus vester quem Deus felicem faciat et sibi gratum nobis fuerit denunciatus unum tricennarium missarum continuandum per triginta dies prima missa in conventu nostro cum nota solempniter decantanda premissis exequiis mortuorum videlicet placebo et dirige more ordinis nostri pro anima vestra propiciante Deo cicius deducendam in secundum Abrahe grata celeritate fideliter persolvemus In cuius rei testimonium sigillum nostrum commune presentibus est appensum Data in domo nostra predicta in festo assumpcionis Beate Marie Virginis domine nostre anno Domini millesimo quatrocentesimo tricesimo