Charter Document - 99900006

Frater Raymundus Berengarii Dei gratia sacre domus hospitalis Sancti Iohannis Ierusalitam magister humilis et pauperum Christi custos et nos conventus domus eiusdem religioso in Christo nobis carissimo fratri Iohanni Dydalton[] domus eiusdem priori ecclesie fontis clericorum Londoni[] salutem et sinceram in domino caritatem Insinuacio nobis facta nobis continuit quod per catolicos Christicolas retrolapsis temporibus in ea ubertate bona fuerunt ecclesie fontis clericorum Londoni[] in eorum animarum salutare remedium pia devocione relicta quod ad celebrandum divina in animarum subsidium largiencium dicta bona in ecclesia predicta deputari fuerunt capellani quindecim et aliorum certus numerus clericorum et a longis temporibus ad Dei laudem et gloriam dictarum que animarum remedium et odoriferam religionis nostre famam capellani et clerici antedicti resederunt et excercuerunt divinum officium et obsequium in ecclesia prelibata eis que temporibus prior dicte ecclesie prioris Anglie obediencie et correccioni suberat sed ab aliquo citra tempore per nos licet emolumenta ad servicium dicte ecclesie deputata integre recipiatis adeo est in ea capellanorum et clericorum deputatus numerus diminutus quod nunc nisi capellanos quinque quandoque septem quandoque novem non tenetis ad solitum divinum servicium fieri in ecclesia prelibata sufficere non valentes De quo magnates et nobiles ac plebey regni Anglie graviter murmurant sive [numerarum fulumia] emitunt ex quibus formidandum scandalum non sine notabili dampno iminet religioni et specialiter prioratui antedicto nisi remedium apponatur Audacia autem quare in dicta ecclesia iuxta solitum et anticum non excercuitur divinum officium et consuetus capellanorum et aliorum clericorum numerus ibidem non tenetur est quia nos ut asseritur pretenditis ad obedienciam et correccionem prioris prioratus nostri Anglie supradicti submissus nomine existere eo quia estis ad manus nostri dicti magistri recentus subiuncto suppliciter ut super premissis de oportuno remedio providere dignaremur Nos que considerantes quod divina obsequia debent pocius ampliari quam restringi vobis invicem deliberato consilio districte in virtute sancte obediencie precipiendo mandamus quatenus a cetero in sepedicta ecclesia fontis clericorum deputatum numerum capellanorum et aliorum clericorum tenens sic in illa divina obsequia ad Dei laudem et gloriam et largiencium bona nostre religioni remedium animarum iugiter [] et excerceri ac horas canonicas decantari faciatis quod cessent et merito murmuraciones predicte et evitetur periculum quod inde nostre posset quod absit deffectum premissorum religioni subsequi ac relegio ipsa propterea acquirat premium a domino et famam odoris fragrancie in hoc mundo Si vero quod non credimus mandata nostra contempnendo deputatum numerum capellanorum et clericorum ac aliorum serviciorum in dicta ecclesia tenere ac obsequia divina iuxta solitum et anticum excercere neglexeritis illo casu religioso in Christo nobis carissimo fratri domus eiusdem priori prioratus nostri Anglie presenti et futuro seu prioratus illius quovis titulo [regimini] presidenti districte sub dicta virtute sancte obediencie harum serie precipiendo mandamus quatenus auctoritate nostra sibi hiis presentibus plenarie attributa vos iuxta statutam et consuetudines domus nostre [primat] castiget et corrigat suspendendo nos et privando si casus exigat cum consilio procerum sui prioratus si sibi videatur a [regimine] prioratus predicti fontis clericorum et ab ducendo per iusticiam domus nostre retencione ad manus nostri dicti magistri seu exempcione alia in aliquo non obstante In cuius rei testimonium bulla nostra communis plumbea presentibus est appensa Datum Rod[i] die vicesima secunda mensis octobris anno incarnacionis domini millesimo trecentesimo septuagesimo primo