Charter Document - 08210039
| Charter Number: | 08210039 |
|---|---|
| Cartulary Title: | Lives of the Bishops of Exeter |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1315 |
| Date type: | Internal, A.D., Calendar |
| Resource Link(s): |
|
Charter:
Universis sancte matris Ecclesie filiis ad quos presentes littere pervenerint Decanus or Capitulum Exonie Salutem in Domino sempiternam Dum inclitam stirpis Regie prosapiam dum sanguinis generositatem precellentem Serenissimi Principis et Domini nostri Domini Edwardi Dei gratia illustris Regis Anglie sub cujus protectione gubernamur tutamur et defendimur quiescentes in pace profunda mente pensamus dumque sua et predecessorum suorum quondam Regum Anglie qui Ecclesiam Exoniensem a piissimo et Deo devotissimo Rege Athelstano fundatam subsequentibus postea diversorum temporum curriculis magnifice ditarunt et ab omni censu et gravedine seculari exemptam et liberam reddiderunt facta preclara et Deo accepta frequenti meditacione revolvimus profecto zelo devocionis inducimur et speciali dilectionis fervore ignimur ut pro tot et tantis beneficiis sic acceptis et que speramus receperimus in futurum de bonis nostris spiritualibus beneficia et dona spiritualia qualia possumus et sufficimus impertiamur eisdem Volentes igitur quod votis gerimus prompta operis execucione suppleri habito super hoc in Capitulo nostro Exoniensi inter nos diligenti tractatu ex deliberato consilio et unanimi consensu prefatum Dominum Regem illustrem una cum Consorte sua preclarissima Domina Ysebella illustri Regina Anglie eorumque filiis in Ecclesie Exoniensis et congregationis nostre fraternitatem perpetuam devoto et humili animo suscipimus Ordinantes et statuentes quod annis singulis feria proxima vacante post Festum Translationis beati Thome Martyris quo idem Dominus et Rex noster illustris Divina disponente clementia Regni sui suscepit gubernacula una Missa solemnis de Sancto Spiritu pro salubri statu eorundem quoad vixerint et postquam a presenti seculo migraverint pro se suisque filiis progenitoribus ac aliis predecessoribus suis Regibus Anglie supradictis plenaria Servicium pro Defunctis cum solemni Missa Placebo Dirige et Commendatione in Ecclesia Exoniensi sollempniter celebretur Et nihilominus singulis diebus domitis per anni circulum currentibus cum preces pro vivis et defunctis benefactoribus nostris in Ecclesia Exoniensi fuerint faciende coram Clero et Populo ipsis viventibus cum psalmo De profundis cum oracionibus ad hoc convenientibus fiant nominatim suffragia specialia pro eisdem Ordinamus insuper et tenore presencium concedimus quod tam ipsi cum filiis suis quam progenitores sui et predecessores quondam Reges Anglie benefactores nostri predicti omnium bonorum spiritualium que fiunt et fient pro tempore in Ecclesia Exoniensi tam in Missis quam orationibus vigiliis jejuniis psalmodiis tam diurnis quam nocturnis et ceteris quibuscunque aliis caritatis et misericordie operibus efficiantur participes et consortes Que quidem omnia et singula ad perpetuam rei memoriam in regesto scaccario nostri Exonie fecimus registrari In cujus rei testimonium sigillum nostram commune presentibus est appensum Datum in Capitulo nostro Exoniensi octavo Kalendis Aprilis anno Domini millesimo tricentesimo quinto decimo