Charter Document - 08210035
| Charter Number: | 08210035 |
|---|---|
| Cartulary Title: | Lives of the Bishops of Exeter |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1270 - 1274 |
| Date type: | Assigned |
| Resource Link(s): |
|
Charter:
Sciant presentis et futuri quod ego Rogerus le Rus filius Radulphi le Rus militis dedi concessi et hac presenti Carta mea confirmavi ac omnino pro me et heredibus meis quietum clamavi Decano et Capitulo Ecclesie beati Petri Exoniensis et successoribus suis in puram liberam et perpetuam elemosinam unam acram terre apud Wydecombe cum advocacione Ecclesie Sancti Pancracii de Wydecomb et Capelle Sancti Leonardi de Spikewyk dicte matrici ecclesie adjacentis et omnibus aliis dicte terre pertinentiis que quidem acra terre jacet in Wodehaye prope sanctuarium ecclesie supradicte et extendit in longitudine a predicto sanctuario ex parte occidentali usque ad regalem viam per quam itur a dicta Ecclesia de Wydecombe versus Dunsterston ex parte orientali Tenendum et habendum dictam terram cum advocacione ecclesie et capelle prenominate et omnibus aliis pertinenciis sibi et successoribus suis de Domino de Wydecombe libere quiete bene pacifice et integre inperpetuum Reddendo inde annuatim dicto Domino de Wydecomb unum par chirothecarum vel unum denarium ad Festum Sancti Michaelis pro omni servicio seculari sicut carta Domini Radulphi filii Ricardi feofatoris mei michi inde confecta preportat et testatur Pro hac autem mea donacione concessione confirmacione et quieta clamancia concesserunt dicti Decanus et Capitulum et bona fide promiserunt se soluturos singulis annis de Scaccario ipsorum Exoniensi decem marcas argenti ad facienda quedam divina servicia annuatim in ipsa Ecclesia Exoniensi pro anima bone memorie Rogeri de Thoriz quondam Decani Exonie in quodam alio scripto plenius specificanda In cujus rei testimonium hanc presentem Cartam sigilli mei munimine roboravi Hiis testibus Dominis Thome de Pyn tunc vicecomite Devonie Willielmo de Bykebyr Rogero de Prydiaus et Radulpho le Rus militibus Egidio de Fissacre Radulpho [] Willielmo de Spikewyk Johanne de Byuile Ricardo de Alre et aliis