Charter Document - 08210034
| Charter Number: | 08210034 |
|---|---|
| Cartulary Title: | Lives of the Bishops of Exeter |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1267 - 1282 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus de Bott Prepositus de Glasneya dedi concessi et hac presenti Carta mea confirmavi venerabili patri in Christo Waltero Dei gracia Exoniensi Episcopo totam terram meam de la Wodecrofte una cum advocacione Ecclesie de Bokelond filii Walteri cum omnibus pertinenciis suis quas habui de dono Domine Ermigarde relicte Domini Willielmi de Ponchardon Tenendum et habendum dicto Domino Waltero et cuicumque dare legare assignare vel aliquo modo appropriare voluerit in quocumque statu fuerit de dicta Ermigarda et heredibus suis libere quiete jure hereditario inperpetuum Et ego et heredes mei tenemur warantizare acquietare et defendere dictam terram et advocacionem dicte Ecclesie predicto Domino Waltero et assignatis et legatariis suis contra omnes homines inperpetuum Quod ut ratum et stabile permaneat presenti Carte sigillum meum apposui Hiis testibus Dominis Alexandro de Oxton Radulpho de Arundell Johanne Wyger militibus Radulpho de Speketon Reginaldo le Arceneske et aliis