Charter Document - 08210031
| Charter Number: | 08210031 |
|---|---|
| Cartulary Title: | Lives of the Bishops of Exeter |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 |
| Date type: | Internal, A.D., Feast |
| Resource Link(s): |
|
Charter:
Universis sancte matris Ecclesie filiis presens scriptum visuris vel audituris Willielmus miseracione Divina Exoniensis Ecclesie Minister humilis eternam in Domino Salutem Noverit universitas vestra nos divine pietatis intuitu dedisse concessisse et hac presenti Carta nostra confirmasse Decano et Capitulo Exoniensis Ecclesie has Ecclesias scilicet Ecclesiam de Winkelegh in Devonie et Ecclesiam de Sancto Sancredi et Ecclesiam de Trevalga in Cornubia cum omnibus pertinenciis suis tam in temporalibus quam in spiritualibus cedentibus vel decedentibus earundem rectoribus pleno jure inperpetuum tenendas et in perpetuam elemosinam libere et quiete convertendas in proprios usus viginti quatuor Canonicorum viginti quatuor antiquarum prebendarum Exoniensis Ecclesie Licebit autem dictis Decano et Capitulo nostro vel successorum nostrorum assensu et consensu ingredi libere dictas Ecclesias cum eas vacare contigerit et ad illas deserviendum tenore presencium eisdem liberam concedimus auctoritatem Interim autem dicti Decanus et Capitulum expensas debitas et consuetas omnium earundem Ecclesiarum percipient pensiones quas Abbas et Conventus de Teukbiri hactenus consueverunt de predictis Ecclesiis percipere Et ut hec nostra donacio concessio et presentis Carte nostre confirmacio robur perpetuitatis inviolabiliter habeat presens scriptum sigilli nostri apposicione duximus roborandum Hiis testibus Domino Manessero filio Mathei Radulfo Cole Petro Wimundo Waltero Capellanis et Thome Capellano Canonico [] Thome et Henrico tunc clericis Episcopi et multis aliis Datum Die Epiphanie anno gracie millesimo ducentesimo quadragesimo secundo