Charter Document - 08210030
| Charter Number: | 08210030 |
|---|---|
| Cartulary Title: | Lives of the Bishops of Exeter |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1244 |
| Date type: | Internal, A.D., Calendar |
| Resource Link(s): |
|
Charter:
Universis Christi fidelibus ad quos presens scriptum pervenerit Willelmus miseracione Divina Exoniensis Episcopus Salutem in Domino Noverit universitas vestra nos dilectis in Christo filiis Decano et Capitulo Ecclesie nostre Exoniensis tenore presencium concessisse liberam et specialem potestatem nostro vel cujuscumque alterius irrequisito consensu ingrediendi corporalem possessionem Ecclesie de Hurberton cum capellis et aliis omnibus pertinenciis suis quam cito ipsam vacare contigerit quam quidem ecclesiam per consensum omnium eorum quorum intererat nuper eisdem concessimus in proprios usus cotidiane distribucionis possidendam In cujus rei testimonium presenti scripto sigillum nostrum apponi fecimus Datum Exonie xvii Kalendis Maii anno Domini MCCXL quarto