Charter Document - 08210023

Omnibus Sancte Matris Ecclesie filiis ad quorum noticiam presentes littere pervenerint Walterus de Bathoniam miles Dominus de Colbrok Salutem in Domino sempiternam Noverit universitas vestra nos pro salute anime nostre et pro animabus heredum nostrorum et predecessorum ac successorum nostrorum dominorum de Colbrok et eciam pro animabus omnium fidelium dedisse et concessisse pro nobis et heredibus nostris donaciones et concessiones subscriptas in puram et perpetuam elemosinam ad unam cantariam faciendam in honore omnipotentis Dei et gloriose beate Virginis Marie ac Omnium Sanctorum divina celebranda annuatim in Ecclesia parochiali de Colbrok ad altare beate Marie Virginis inperpetuum videlicet sexaginta solidos argenti annui redditus annuatim percipiendos apud Colbrok et solvendos per manus nostras et heredum nostrorum vel assignatorum nostrorum de redditu seu proficuo nostro de Colbrok ad duos anni terminos videlicet ad Festum Sancti Michaelis et ad Festum Pasche primo sequentis equis porcionibus sine ulteriori dilacione ad unum capellanum ydoneum sustentandum pro predicta cantaria celebrandum Dedi eciam ad dictam cantariam totum illud tenementum quod Ricardus le Wrehte quondam de nobis tenuit quod continet in se dimidiam acram terre et totam illam peciam terre que jacet extra portam curie nostre inter predictum tenementum ex parte australi et vicum nostrum quo itur versus molendinum nostrum de villa de Colbrok que continet in se unam acram terre vel circiter in quo tenemento et pecia terre Capellani dictam cantariam divine celebraturi erunt honeste inhabitare poterint Item volumus et concedimus pro nobis et heredibus nostris ac assignatis quod primus Capellanus et omnes successores sui Capellani dictam cantariam celebrantes habeant communem pasturam ubique in dominico nostro de Colbrok ubi averia nostra pascuntur per totum annum videlicet ad unum equum et duas vaccas cum duobus vitulis donec dicti vituli fuerint super annuatis vel ad tres vaccas et ad tres vitulos de exitu donec super annuatis fuerint sine equo ad voluntatem presbiteri qui pro tempore fuerit ibidem et ad duos porcos sine aliqua contradiccione vel impedimento nichil dando pro pastura predicta Item volumus et concedimus pro nobis et heredibus nostris et assignatis quod dicti Capellani habeant boscum sufficientem de bosco nostro et jam pro coquina et camera sua per visum et liberacionem ballivorum nostrorum inperpetuum Et quod dicti Capellani molare poterint blada sua ad molendinum nostrum statim post bladum nostrum in dicto molendino existens molendum vel post bladum ipsius cujus bladum inventum fuerit molendum Habendum et tenendum omnes donaciones et concessiones et libertates eas pro nobis et heredibus nostris ac assignatis ad dictam cantariam in puram et perpetuam elemosinam duraturas Et quod ista cantaria semper detur per patronos Dominos de Colbrok cuicunque Capellano ydoneo sibi placuerit et per ipsos Decano et Capitulo Ecclesie beati Petri Exonie presentetur et per ipsos Decanum et Capitulum dictus presentatus instituetur in eandem et sic fiat quociens dicta Cantaria vacaverit in futurum Et ad predictum Redditum terminis supradictis plene bene solvendum et alias donaciones et concessiones et libertates firmiter tenendas custodiendas et warantizandas illesas et sine aliqua li diminucione in omnibus obligamus nos et heredes nostros et totum manerium nostrum de Colbrok ad quorumcumque manus dictum manerium de cetero devenerit quoquo modo Et si forte contingat nos vel heredes nostros in solucione predicti Redditus terminis predictis in toto vel in parte deficere quod absit vel alias donaciones concessiones et libertates in aliqua sui parte diminuere vel deteriorare seu a professione possidentis ejusdem aliquid inde tollere aut subtrahere Volumus et concedimus pro nobis et heredibus quod dicti Decanus et Capitulum nos excommunicent per totam jurisdictionem suam sentencia majoris excommunicacionis donec inde fuerit satisfactum ad plenum Et eciam quod ballivi Domini Episcopi de libertate de Criditon nos distringant ubique apud Colbrok donec eis satisfactum fuerit ut predictum est Et quod dicti ballivi habeant pro qualibet districcione sic facta dimidiam marcam argenti de catallis pro expensis suis et labore In cujus rei testimonium huic presenti Carte nostre sigillum nostrum duximus apponendum Hiis testibus Dominis Henrico de Campo Ernulfi Mangero de Sancto Albino Willielmo de Bykelegh militibus Waltero de Aure Thome de Wotton Willielmo de Godiscote Hugone de Coplestone et aliis