Charter Document - 08210021
| Charter Number: | 08210021 |
|---|---|
| Cartulary Title: | Lives of the Bishops of Exeter |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1280 |
| Date type: | Internal, A.D., Episcopal, Feast |
| Resource Link(s): |
|
Charter:
Universis sancte matris Ecclesie Filiis presentes Literas visuris vel audituris Walterus miseracione Divina Exoniensis Episcopus Salutem in Domino sempiternam Noverit universitas vestra quod nos exitum vanitatis mundane considerantes et de supremis cogitantes concedimus et confirmamus Divine caritatis intuitu et pro salute anime nostre Decano et Capitulo Exoniensis Ecclesie ad sustentationem duorum Capellanorum in Capella fere de novo constructa juxta capellam Beate Marie in Ecclesia nostra Cathedrali Exoniensi ex parte australi ubi locum elegimus sepulture perpetuo divina celebrancium pro anima nostra benefactorum nostrorum omniumque fidelium defunctorum Ecclesiam de Bukerel cujus sumus patroni cum omnibus juribus obvencionibus et omnibus aliis pertinenciis suis in usus proprios predictorum Decani et Capituli Canonice perpetuo possidendam salva competenti vicaria in eadem vicaria de Buckerel per nos vel successores nostros taxanda ad quam iidem Decanus et Capitulum nobis et successoribus nostris tenentur presentare Ita quod dicti Decanus et Capitulum duodecim marcas sterlingorum dictis capellanis solvant annuatim inperpetuum ad sustentacionem suam in festis Sancti Michaelis et Pasche equis porcionibus In cujus rei testimonium sigillum nostrum presentibus apponi fecimus Datum apud Teynton in Festo Beate Margarete Virginis anno gracie MCC octogesimo et consecracionis nostre vicesimo tercio