Charter Document - 08210020

Eugenius servus servorum Dei dilectis filiis canonicis ecclesie Sancti Petri Exoniensis tam presentibus quam futuris Salutem et Apostolicam Benedictionem Quociens illud a nobis petitur quod religioni et honestati convenire dinoscitur animo nos decet libenti concedere et petentium desideriis congruum impertire suffragium Ea propter dilecti in Domino filii venerabilis Patris nostri Roberti Episcopi vestri precibus inclinati beati Petri ecclesiam in qua divino estis mancipati obsequio sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona eadem ecclesia in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant Ea nimirum in eis discretione servata ut quum quedam ex ipsis prebendis vestris et successorum vestrorum quedam vero communitati deputata noscuntur perpetuis temporibus sub eadem distributione consistant ad communitatem videlicet ecclesias Sancti Michaelis de Hevetriu Sancte Margarete de Toppesham Sancte Sativole cum tota terra ipsius Terras etiam et domos quas habetis in urbe et in suburbio Exoniensi et capellas quas habetis in urbe et extra urbem cum terris et decimis earum que ad propriam parochiam vestram pertinere noscuntur Ecclesias insuper et capellas que in subscriptis fundis site sunt salvo jure personarum que modo eas tenent et oblationem quam recipitis apud Cornubiam in festivitate Pentecosten Ad prebendas vero Stovertuna cum appendiciis suis villam Sancte Marie Chirce Douelis Ida Halscumbe Nortune Bichtrichistane Culumstocke Sidebiria Saltcumba Branchescumba Stocha cum pertinentiis eorum Preterea ecclesiam de Bentune in duas prebendas quemadmodum a venerabili fratre nostro Episcopo vestro noscitur institutum ut videlicet Si ecclesia illa in meliorem statum temporis processu devenerit sexaginta solidi exinde si superfuerint fratrum communioni proveniant Illud etiam in unam prebendam quod ad jus ecclesie vestre in Gloecestrie pertinet vobis nihilominus confirmamus Decernimus ergo ut nulli omnino hominum liceat prefatam ecclesiam temere perturbare aut ejus possessiones auferre vel ablatas retinere minuere seu aliquibus vexationibus fatigare sed omnia integra conserventur eorum pro quorum gubernatione atque sustentatione concessa sunt usibus omnimodis profutura Salva in supradictis ecclesiis dioecesanorum episcoporum canonica justitia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo terciove commonita si non satisfactione congrua emendare curaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi Quatenus et hic fructum bone actionis precipiant et apud districtum judicem premia eterne pacis inveniant Amen Amen Amen Ego Eugenius Catholice Ecclesie Episcopus Signum Ego Conradus Sabinensis Episcopus Signum Ego Imarus Tusculiensis Episcopus Signum Ego Hugo Hostiensis Episcopus Signum Ego Oto Diaconus Cardinalis Sancti Georgii ad velum aureum Signum Ego Guido Cardinalis Diaconus Sancte Marie in Porticu Signum Ego Jacintus Diaconus Cardinalis Sancte Marie in Cosmydyn Signum Ego Girardus Diaconus Cardinalis Sancte Marie inviolate Signum Ego Gregorius Presbiter Cardinalis tituli Sancti Calixti Signum Ego Aribertus Presbiter Cardinalis tituli Sancte Anastasie Signum Ego Gerardus Presbyter Cardinalis tituli Sancti Stephani in Celio Monte Signum Ego Johannes Presbiter Cardinalis Sanctorum Johannis et Pauli tituli Pamachii Signum Datum Laterani per manum Bosonis Sancte Romane Ecclesie Scriptoris ii Idus Martii Indiccione prima incarnacionis Dominice Anno MCLII Pontificatus vero Eugenii Pape tertii anno nono