Charter Document - 08151019

Omnibus Christi fidelibus ad quos presens scriptum pervenerit Rogerus miseracione divina Bathoniensis et Wellensis episcopus salutem in domino sempiternam Mediator Dei et hominum dominus Jesus Christus a patre procedens sibique coeternus et consubstantialis existens ut nos primorum prevaricacione parentum dampnatos a potestate seductoris eriperet et summo patri genus reconciliaret humanum in se inmortalis existens et impassibilis homo factus se passibilem exhibuit et mortalem et demum voluntariam resolutus in mortem professionis diverse fidei christiane rectores instituit ut sicut ipse semper cum patre unus extitit non divisus nos in fidei et caritatis unione conservent hos quidem juditiali gladio reprimentes illos suavitate moderaminis demulcentes Nos igitur licet inmeriti in partem hujus sollicitudinis evocati que jam premisimus sollicitius attendentes et pii magistri doctrinam pacificam totis viribus amplectentes questiones quasdam et controversias pridem subortas earumque materias inter ecclesias Bathoniensem et Wellensem quibus disponente domino presidemus amputare penitus affectantes de consensu et voluntate dilectorum in Christo filiorum prioris et conventus Bathoniensis et capituli Wellensis qui ordinacionibus apostolicis super eleccionem pontificis prefitiendi ecclesiis memoratis communiter inter ipsas ecclesias perpetuo fatienda ipsamque eleccionem contingentibus per decanum et capitulum Wellensem impetratis ac promulgatis salvis et in suo robore per omnia duraturis a quibus capitulum Wellense sollempniter et publice tam viva voce quam per litteras suas patentes se per tractatum ordinacionem supposicionem dicto vel facto seu etiam quocumque alio modo in nullo velle recedere protestati sunt consimili a priore et conventu Bathoniensi super ordinacionibus supradictis protestacione premissa Quibus etiam protestacionibus salvis per omnia super inferius annotatis se provisioni et disposicioni nostre subjecerunt Quibus ordinacionibus apostolicis ab Innocentio papa quarto per Johannem Sarracenum decanum et capitulum Wellensem impetratis una videlicet sub datum Laterani decimo kalendarum Aprilium pontificatus ejusdem anno primo alia vero sub datum Lugduni tercio nonarum Januarii pontificatus ejusdem anno secundo sicut nec possumus obviare nolentes sic inter dictas ecclesias in nomine domini nostri Jhesu Christi providendum duximus et disponendum videlicet quod utraque ecclesia denuntiet alteri quando primo sciverit episcopatum vacare item major illius ecclesie presens in qua occurrit eleccio ea vice fatienda denuntiabit cum qua convenit et fieri poterit celeritate capitulo illius ecclesie in qua non fuerit adtunc eleccio fatienda diem quo debeant convenire apud Fernton per procuratores suos litteratorie constitutos ad ordinandum hinc inde procuratores suas ad curiam domini Regis sine more dispendio destinandos pro petenda communiter licentia eligendi qui simul eant veniant ad dominum Regem petant et redeant termino competenti tunc ibidem ab eisdem communiter statuendo quo dominum Regem possint adire et utraque pars eat sumptibus ecclesie sue cum litteris procuratoriis ecclesie sue in quibus contineatur quod procuratores suos propriis nominibus eorum expressis destinant ad dominum Regem una cum procuratoribus alterius ecclesie similiter propriis nominibus eorum expressis ad petendum communiter ab eodem licentiam eligendi prout ad utramque ecclesiam similis spectat eleccio et hoc ipsum coram domino Rege pariter protestentur litterasque suas simul domino Regi presentent hujus tamen peticionis pronuntiacionem et priorem litterarum suarum porrectionem habeat procurator illius ecclesie in qua tunc fuerit eleccio fatienda Licentia vero eligendi optenta major presens illius ecclesie in qua ea vice non fiet eleccio per litteras capituli sui denuntiabit capitulo alterius ecclesie sine more dispendio diem certum quo convenient procuratores utriusque ecclesie loco superius assignato ad providendum communiter certum terminum competentem ad quem et infra quem utraque ecclesia omnes de capitulo suo in regno existentes qui eleccioni interesse debent volunt et possunt faciant et valeant commode convocari Cum autem partes die et loco sic sibi ad eligendum prefixis convenerint invocata Spiritus sancti gratia secundum formam canonicam quam eis Deus tunc inspiraverit communiter ad eleccionem procedant Quod si forte primo die eleccioni faciende prefixo partes non poterunt concordare cum communi accione trium vel quatuor dierum secundum quod fuerit necesse procedant donec per aliquam formam canonicam eleccio vel postulacio ibidem incipiat Te Deum laudamus et dicat collectam que fuerit dicenda super electum Idemque sollempniter denuntiet clero et populo sicut negocii series se habet fideliter nomine utriusque ecclesie eleccionem factam assistente sibi tunc ibidem majore alterius ecclesie leganturque ordinaciones papales tunc ibidem et hec eadem scriptura Decretum autem eleccionis incontinenti communiter et sollempniter unum fiat loco quo tunc celebrata fuit eleccio et ibidem mox post publicationem consignetur sigillo ejusdem ecclesie et cum celeritate qua fieri poterit per nuntios communes utriusque capituli fideles transmittatur ad alteram ecclesiam in qua ea vice non fit eleccio sigillo statim illius ecclesie consignandum et sub sigillis ipsorum procuratorum inclusum fideliter conservetur nisi quotiens communiter necesse fuerit illud presentari vel exhiberi iterato sub sigillis procuratorum re cludendum et conservandum per procuratores ecclesie in qua tunc non fit eleccio usque ad necessariam ipsius exhibicionem Presentetur autem eleccio celebrata domino Regi per procuratores et litteras procuratoriis utriusque ecclesie et in utrisque litteris fiat mencio de communi eleccione et presentacione cujus presentacionis pronuntiacionem et priorem litterarum suarum porreccionem habeat procurator illius ecclesie in qua tunc non fiebat eleccio simul tamen eant veniant ad dominum Regem et redeant et cetera fiant ut supra in peticione licentie eligendi scriptum est et super assensu regio optento super eleccione facta et de persona electa nomine utriusque ecclesie impetrentur littere regie dirigende domino Cantuariensi vel alii presidenti et confirmandi protestatem habenti Quod si eleccioni dominus rex suum assensum adhibere distulerit vel denegaverit nomine utriusque ecclesie et sumptibus et per procuratores earundem prosecucio dicti fiat negocii hujusmodi sumptibus et aliis quibuscumque circa eleccionem vel ipsius eleccionis negocium qualitercumque contingentibus factis et fatiendis ab electo confirmato vel consecrato et possessionem temporalium optinente utrique ecclesie reddendis Item fiat presentacio electionis electi et decreti domino Cantuariensi vel alii presidenti et confirmandi potestatem habenti et peticio confirmacionis eiusdem ab eodem simul per procuratores utriusque ecclesie Quam peticionem et decreti presentacionem primo fatiat procurator illius ecclesie in qua ea vice eleccio facta fuit Examinenturque super eleccione et electi persona et meritis idem procuratores et alii qui fuerint presentes de utraque ecclesia Et si fuerit eleccio confirmata major illius ecclesie in qua non fuerit eleccio celebrata qui presens fuerit et potens incipiat Te Deum laudamus et dicat collectam que fuerit dicenda super electum Optenta itaque confirmacione fiat presentacio eleccionis confirmate et electi domino Regi prout superius scriptum est in presentacione eleccionis facte fatienda eidem non ineque utriusque ecclesie impetrentur littere domini Regis super possessione temporalium optinenda et fidelitatem fatiat electus domino Regi nomine utriusque ecclesie Item neutra partium procurabit quocumque modo aliquod impedimentum quo minus altera partium admittatur ad eleccionem et ad omnia alia ipsam eleccionem contingentia prout ordinatum est per dominum papam et utrinque concessum Item omnia que dicta sunt circa electionem observentur in omnibus et per omnia circa postulacionem si per postulacionem procedatur salvo jure canonico statuto circa naturam postulacionis Procuret autem utraque dictarum ecclesiarum cum apud eam fuerit eleccio fatienda omnem securitatem et tranquillitatem in villa sua personis alterius capituli illuc ad eleccionem venientibus et familie eorundem compescantque suos ab omnibus probris injuriis et contumeliis inserendis eisdem Item fiat postulacio consecracionis a consecratore per procuratores utriusque ecclesie et nomine utriusque Pronuntiacionem autem postulacionis predicte habeat major presens illius ecclesie in qua ea vice non fiebat eleccio assistente sibi majore alterius ecclesie qui presens fuerit leganturque tunc ibidem ordinaciones papales et hec scriptura Item professionem suam fatiat electus nomine utriusque ecclesie Item in examinacione in consecracione sua et in aliis contingentibus ipsam consecracionem stet a dextris electi major illius ecclesie qui presens fuerit in qua illa eleccio facta non fuit et major alterius ecclesie presens a sinistris Item officia episcopalia vicissim et successive fiant in ipsis ecclesias ut synodi ordinum ordinacio et chrismatis consecratio quantum in capitulis est ipsis contrarium non procurantibus Item in synodis et in aliis congregacionibus publicis in dyoecesi fatiendis Prior Bathoniensis sedeat a dextris Episcopi Wellensis et Decanus a sinistris Bathoniensis e converso in aliis vero locis cum convenerint pro disposicione Episcopi Item quod cape abbatum bene dicendorum alternatim et successive cum professionibus suis ipsis ecclesiis conferantur et professiones ipsorum semper fiant nomine utriusque ecclesie Item quod nec prebende Wellenses antique nec de novo imp prebendane seu ecclesie commune Wellensis sed nec ecclesie spectantes ad jurisdictionem Decani et capituli vel alicujus canonici sequantur processiones Pentecostes ad loca in quibus monachi Bathonienses recipiunt oblaciones Pentecostes nisi ille tantum in quarum possessione nunc sunt Hanc autem provisionis et disposicionis nostre formam utraque pars sibi recitatam sollempniter approbavit et ad ipsam per omnia et in omnibus fideliter et bona fide inter se perpetuo observandam seque nullo umquam tempore in aliquo contravenire pro se et successoribus suis juramento in animas omnium et singulorum utriusque ecclesie corporaliter prestito per procuratores suos hinc inde per litteras patentes Capitulorum ad hoc ita jurandum et ad hanc provisionem et disposicionem nostram admittendum et recipiendum specialiter constitutos se obligavit In cujus rei robur et testimonium Prior et conventus Bathoniensis et capitulum Wellense una cum sigillo nostro presenti scripto sigilla sua apposuerunt Actum apud Staweye in parochia de Chyv Idus Augusti anno incarnacionis dominice millesimo ducentesimo quadragesimo sexto