Charter Document - 08150003
| Charter Number: | 08150003 |
|---|---|
| Cartulary Title: | Chapters in the early history of the church of Wells, A.D.1136-1333 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1174 - 1191 |
| Date type: | Assigned |
| Resource Link(s): |
|
Charter:
[R]eginaldus episcopus hujus loci omnes terras nostras a predecessoribus suis ad opus fabrice ecclesie nostre diucius detentas devote restituit et que a predecessoribus suis nobis restitute erant affectuosius ab ipso nobis confirmate sunt Ecclesiam de Aystona Fulconis de Alneto in usus proprios nobis confirmavit Ecclesias de Brugges et de Kary et de Radestoke nihilominus in usus proprios nobis confirmavit Ecclesiam etiam de manerio nostro de Forda in usus proprios nobis confirmavit et proventus ad fabricam ecclesie nostre assignavit Oblacionem vero pentecostalem a predecessoribus suis nobis concessam ecclesie nostre veluti matrici ecclesie Somersetie devotissime confirmavit Hospitale sancti Johannis in Bathonia ecclesie nostre contulit et de ipso sicuti de propria elemosinaria nostra nobis disponere concessit Corpus beate Eufemie virginis et martiris ecclesie nostre contulit et plures reliquias sanctorum cum capsulis eburneis Albam quoque preciosam auro textam amictum quoque et mitram sancti Petri Tarentasiensis ecclesie nostre adquisivit Cereum vero ardere ante corpus dominicum et sanctorum reliquias constituit et quadraginta solidos ad ejus perpetuitatem de ecclesia de Banewelle per manus canonicorum de Briwtone assignavit Bibliotecam eciam ecclesie nostre pluribus libris ditavit Plura etiam ornamenta Ecclesie nostre contulit scilicet duas capas preciosas et v meliora et majora pallia Ecclesiam vero nostram cartis regum de libertatibus et privilegiis summorum pontificum de dignitatibus sufficienter ditavit Cujus anniversaria dies in albis celebretur et c pauperes reficiantur et mensa fratrum copiosius procuretur