Charter Document - 08140148
| Charter Number: | 08140148 |
|---|---|
| Cartulary Title: | Charters and records among the archives of the ancient abbey of Cluni, from 1077 to 1534 |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1319 |
| Date type: | Assigned |
| Resource Link(s): |
|
Charter:
Reverendo patri in Christo ac domino domno Henrico Dei gratia abbati Cluniacensi sacroque conventui ejusdem loci necnon viris venerabilibus et religiosis diffinitoribus sacri capituli Cluniacensis frater Johannes humilis prior domus de Monte Acuto cum reverentia et honore obedientiam usque ad mortem tam debitam quam devotam Dum inevitabilibus et arduis dicte domus vestre negotiis detentus et occupatus ad presens ad hoc instans capitulum generale Cluniacense quod die dominica qua cantatur Jubilate anno Domini millesimo trecentesimo decimo nono per vos inminet auctore Domino apud Cluniacum celebrandum nequeam prout vellem personaliter interesse paternitatem vestram cum devotione requiro et exoro attente quatinus absentiam meam habere dignemini ex causis hujusmodi si placet excusatam paratus etenim sum vestra salubria monita ordinationes etiam et precepta que per vos in dicto generali capitulo ordinabuntur et finientur recipere et servare recipi et servari facere prout cum decet reverenter ad hoc autem si opus fuerit impedimentum jurandum quod tanquam verum vobis dixi teste conscientia rescribendum Mitto carum fratrem nostrum fratrem Johannem Gyot monachum et elemosinarium domus vestre predicte presentium portitorem cui siquidem quantum in me est prout melius possum jurandi impedimentum hujusmodi in forma que debet et consuevit jurari do potestatem plenarium per presentes Actum in dicta domo nostra de Monte Acuto sub sigillo meo die mercurii proxima ante Pascha