Charter Document - 08140146

In Dei nomine amen Cum fratres Reymundus et Guido de Layraco et Sancti Georgii de Dydonia priores pretendentes se visitatores Cluniacenses in Anglie ad monasterium Sancti Andree de Bromholm Norwycensis dyoecesis nuper declinassent ac prior dicti monasterii et ejusdem loci conventus prefatos visitatores benigne admittentes et humiliter tractantes visitationis sue officio in eodem monasterio quatenus jus exigebat plenaria completo de procuratione eisdem visitatoribus debita et consueta satisfecissent competenter nihilominus iidem visitatores causam fictam gravandi dictum dominum priorem nimis voluntarie querentes quasdam exactiones indebitas et illicitas a dictis priore et conventu ultra debitam procurationem legitime solutam petierint et exigerent videlicet equos et alia que visitationis sue officium nullatenus contingebant quas cum dicti prior et conventus solvere seu de eisdem satisfacere justa ratione moti non curarent prefati visitatores de gravando dictum dominum priorem de Bromholm graviter sunt comminati Comminationem suam predictam effectui mancipare satagentes quandam litteram formam citationis prima facie continentem sibi datam die martis proxima post dominicam qua cantatur Oculi mei prefato domino priori de Bromholm sigillis quibusdam ignotis signatam transmiserunt in qua continebatur quod dictus prior de Bromholm coram dictis visitatoribus die veneris proxima ante Ramos Palmarum apud Londonium personaliter interesset Postmodum vero per aliquos dies dicti priores quandam aliam litteram priori de Castelacre destinarunt sub dato die Jovis proxima post dominicam qua cantatur Oculi mei in qua mandabatur eidem priori de Castelacre quatinus per camerarium suum vel per alium discretum monachum sibi subjectum citaret dictum priorem de Bromholm quod compareret coram ipsis apud Londonium die Jovis proxima ante festum in Ramis Palmarum nullo tamen certo loco in quo idem dominus prior de Bromholme compareret nec etiam aliqua causa legitima hujus notationes seu citationis aut termini abbreviationis in dictis litteris seu earum aliqua expressis Unde ego procurator dicti prioris monasterii de Bromholm audiens premissa in prejudicium dicti domini prioris domini mei per visitatores predictos temere acceptari metuensque dicto domino priori domino meo ex hiis comminatione et citatione injuriosis ac etiam ex aliis causis probabilibus et verisimilibus conjecturis dicto domino meo ac sibi adherentibus prejudicium posse gravari in futurum ne vos visitatores predicti seu aliquis nomine vestro citando monendo suspendendo excommunicando sequestrando pro minorando discernendo seu quovis alio modo gravando adtemptatis seu attemptet faciatis seu faciat aliqualiter attemptare sacrosanctam sedem apostolicam et pro tuitione curiam Cantuarensem in hujusmodi scriptis provoco et appello et apostolos quatenus de jure sunt petendi instanter instantius et instantissime peto subjiciens dictum dominum meum et me et omnia bona monasterium nostrum contingentia ac etiam omnes quolibet modo adherentes vel adherere volentes utriusque sedis et curie protectioni tuitioni et defensioni prestans me in eventu futuri gravaminis velle de novo appellare ac hujusmodi appellationem omnibus quibus fuerit noti fucanda noti fucare et eam prosequi cum effectu