Charter Document - 08131379
| Charter Number: | 08131379 |
|---|---|
| Cartulary Title: | Charters and records among the archives of the ancient abbey of Cluni, from 1077 to 1534 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1308 |
| Date type: | Internal, Calendar, Regnal |
| Resource Link(s): |
BnF Département des Manuscrits - Bourgogne 82 (n379) |
Charter:
Edwardus Dei gratia rex Anglie dominus Hybernie et dux Aquitanorum omnibus ad quos presentes littere pervenerint salutem Quia accepimus per inquisitionem quam per dilectos et fideles nostros Willelmum de Ormesby Johannem de Thorp et Henricum de Stamton facere fecimus quod abbates Cluniacenses qui pro tempore fuerint successive in singulis vacationibus prioratus de Thefford qui est de patronatu nostro ratione terrarum et tenurarum que fuerunt Rogerii le Bygod quondam comitis Norfolc et marescalli Anglie in manu nostra existentium temporibus retroactis consueverunt preficere aliquem de commonachis suis in priorem prioratus illius et priores illos sic prefectos presentare per suas litteras patentes comitibus Norfolc qui pro tempore fuerunt tanquam patronis prioratus illius pro restitutione temporalium ejusdem prioratus ab eis obtinenda rogando dictos comites quod dictos admitterent presentatos et que dicti comites presentatis illa sine contradictione vel impedimento temporalia predicta semper hactenus restituere consueverunt quousque predictus Rogerus comes tempore guerre inter dominum Edwardus quondam regem Anglie patrem nostrum et regem Francie dudum mote dicto prioratu per mortem cujusdam Vincentii tunc prioris loci illius vacante fratrem Reginaldum de Eye per quosdam monachos loci predicti fecit eligi in priorem et ei dicta temporalia reddidit quodque prefati comites in hujusmodi vacationibus loci predicti ponere consueverunt unum janitorem equitem vel peditem in prioratu illo qui percipere consuevit victualia sua necessaria durante vacatione predicta absque aliquo alio profituo ad opus domini sui vel suum de bonis dicti prioratus capiendo vel se in aliquo alio intromittendo et etiam quod predicti comites facta sibi fidelitate per priores illos a predictis abbatibus ut predictum est presentatos liberare consueverunt prioratum illum eisdem prioribus per ballivos suos semper ante tempus predicti Rogeri comitis et janitores illos absque aliquo capiendo vel retinendo amovere Nos licet dilectus nobis in Christo [] abbas Cluniacensis aliquem de com monachis suis nobis tanquam patronus dicti prioratus per sufficientes litteras non presentavit sicut predecessores sui prefatis comitibus ut predictum est presentare consueverunt de circumscriptione tamen et industria dilecti nobis in Christo fratris Willelmi de Venthedoro com monachi ejusdem abbatis confidentes commisimus ei de nostra gratia speciali custodiam temporalium prioratus predicti hinc inde usque ad festum Pasche proximo futuro ita quod interim idem abbas aliquem de com monachis suis in priorem loci predicti preficere et ipsum per litteras suas patentes nobis modo debito valeat presentare salvo semper in omnibus jure nostro cum voluerimus inde loqui In cujus rei testimonium has litteras nostras fieri fecimus patentes Teste me ipso apud Doyflet vii die octobris anno regni nostri secundo [] per consilium