Charter Document - 08130385

Johannes episcopus servus servorum Dei dilectis filiis Westmonasterii et sancti Edmundi de Bery ac de Saleby monasteriorum abbatibus Londoniensis Norwicensis et Eboracensis dioecesium salutem et apostolicam benedictionem Etsi quibuslibet religiosis personis et laicis ex injuncte nobis servitutis officio assistere defensionis presidio teneamur illis tamen specialius et efficacius adesse nos convenit qui sedi apostolice immediate subjecti non habent preter Romanum pontificem alium defensorem sane dilectorum filiorum [] abbatis et conventus monasterii Cluniacensis ad Romanam ecclesiam nullo medio pertinentis Matisconensis dioecesis necnon abbatum priorum et decanorum monasteriorum prioratuum et decanatum Cluniacensis ordinis conquestione percepimus quod nonnulli archiepiscopi et episcopi abbates priores et alii clerici et ecclesiastice persone tam religiose quam seculares necnon duces comites et barones milites et universitates et singulares persone civitatuum et dioecesium ac partium vicinarum in quibus dictum monasterium ac cetera monasteria prioratus decanatus domus et alia loca et membra eidem monasterio Cluniacensi subjecta consistere dinoscuntur occupaverunt et occupari fecerunt domos ecclesias grangias molendina decimas obedientias casalia terras vineas possessiones census redditus et proventus jurisdictiones et jura ac nonnulla bona mobilia et immobilia extra regnum Francie consistentia ad dictum Cluniacense monasterium et alia monasteria sibi subjecta ac prefatos prioratus decanatus et domos et alia prelibata ejus membra spectantia et ea detinent indebite occupata seu eadem detinentibus prestant auxilium consilium et favorem nonnulli etiam qui nomen Domini in vacuum recipere non formidant dictis abbatibus et prioribus ac decanis et conventibus monasteriorum et prioratuum eorundem in ecclesiis grangiis molendinis decimis casalibus castris terris jurisdictionibus juribus bonis et rebus aliis extra dictum regnum consistentibus ad monasteria prioratus et domos predicta spectantibus multiplices molestias ac injurias inferunt et jacturas quare dicti abbas et conventus ejusdem monasterii Cluniacensis nobis humiliter supplicarunt ut cum valde difficile reddatur eisdem et aliis abbatibus prioribus decanis et eorum membris pro singulis querelis ad apostolicam sedem habere recursum providere eis super hoc paterna diligentia curaremus Nos igitur adversus occupatores detentores presumptores molestatores et injuriatorum hujusmodi illo volentes eis remedio subvenire per quod ipsorum compescatur temeritas et aliis aditus committendi similia precludatur discretioni vestre per apostolica scripta mandamus quatinus extra prefatum regnum vos vel duo aut unus vestrum per vos vel alium seu alios etiam si sint extra loca in quibus deputati estis conservatores et judices abbatibus prioribus decanis conventibus et domibus ac membris predictis efficacis defensionis presidio assistentes non permittatis eosdem super premissis et quibuslibet aliis bonis et juribus ad ipsos spectantibus extra prefatum regnum consistentibus ab eisdem et quibuscunque aliis sibi gravamina seu dampna vel injurias irrogari facturi ipsis cum ab eis vel eorum aliquo seu procuratore vel procuratoribus eorundem vel alicujus eorum fueritis requisiti de predictis et aliis personis quibuslibet super restitutione prioratuum decanatum ecclesiarum grangiarum castrorum castalium terrarum possessionum jurisdictionum jurium et bonorum immobilium et mobilium redditum quoque et proventuum et aliorum quorumcunque bonorum necnon et de quibuslibet injuriis et molestiis atque dampnis presentibus et futuris in personis et rebus ipsorum in illis videlicet que judicialem requirunt indaginem de plano sine strepitu et figura judicii in aliis vero prout qualitas ipsorum exegerit justitie complementum occupatores seu detentores molestatores presumptores et injuriatorum hujusmodi necnon contradictores quoslibet et rebelles cujuscunque status ordinis vel conditionis etiam si archiepiscopalis vel episcopalis dignitatis extiterint quandocunque et quotienscunque expedierit auctoritate nostra appellatione postposita compescendo invocato ad hoc si opus fuerit auxilio brachii secularis non obstantibus felicis recordationis Bonifatii pape viii predecessoris nostri in quibus cavetur ne aliquis extra suam civitatem et dioecesim nisi in certis exceptis casibus et in illis ultra unam dietam a fine sue dioecesis ad judicium evocetur seu ne judices et conservatores a sede deputati predicta extra civitatem et dioecesim in quibus deputati fuerint contra quoscunque procedere sive alii vel aliis vices suas committere aut aliquos ultra unam dietam a fine dioecesis eorundem trahere presumant seu quod de aliis quam manifestis injuriis et violentiis et que judicialem indaginem exigunt penis in eos si secus egerint et in id procurantes adjectis conservatores se nullatenus intromittant et tam de duabus dietis in concilio generali dummodo ultra tertiam vel quartam dietam aliquis extra suam civitatem et dioecesim auctoritate presentium ad judicium non trahant quam aliis quibuscunque constitutionibus a predecessoribus nostris Romanis pontificibus tam de judicibus delegatis et conservatoribus quam personis ultra certum numerum ad judicium non vocandis aut aliis editis que possent vestre in hac parte jurisdictione aut potestati ejusque libero exercitio quomodo libet obviare seu si aliquibus communiter vel divisim a predicta sit sede indultum quod excommunicari suspendi vel interdici seu extra vel ultra certa loca ad judicium evocari non possint per litteras apostolicas non facientes plenam et expressam ac de verbo ad verbum de indulto hujusmodi et eorum personis locis ordinibus et nominibus propriis mentionem et qualibet alia dicte sedis indulgentia generali vel speciali cujuscunque tenoris existat per quam presentibus non expressam vel totaliter non insertam vestre jurisdictionis explicatio valeat quomodo libet impediri et de qua cujusque toto tenore de verbo ad verbum in nostris habenda sit litteris mentio specialis Ceterum volumus et apostolica auctoritate decernimus quod quilibet vestrum prosequi valeat articulum etiam per alium inchoatum quamvis idem inchoans nullo fuerit impedimento canonico prepeditus quodque a data presentium sit vobis et unicuique vestrum in premissis omnibus et eorum singulis ceptis et non ceptis presentibus et futuris perpetuale potestas et jurisdictio attributa ut eo vigore et ea firmitate possitis in premissis omnibus ceptis et non ceptis presentibus et futuris et pro predictis procedere ac si predicta omnia et singula coram nobis cepta fuissent et jurisdictio vestra et cujuslibet vestrum in predictis omnibus et singulis per citationem vel modum alium perpetuali legitimum extitisset constitutione predicta super conservatoribus et alia qualibet in contrarium edita non obstante Datum Avinione xv kalendas augusti pontificatus nostri anno tertio