Charter Document - 08130379
| Charter Number: | 08130379 |
|---|---|
| Cartulary Title: | Charters and records among the archives of the ancient abbey of Cluni, from 1077 to 1534 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1308 |
| Date type: | Internal, A.D., Feast |
| Resource Link(s): |
BnF Département des Manuscrits - Bourgogne 82 (n379) |
Charter:
In Dei nomine amen Anno ab incarnatione ejusdem millesimo CCC octavo indictione septima die sabbati post nativitatem Domini apud Theffordum in camera prioris beate Marie Theffordiensis pontificatus sanctissimi patris et domini domini Clementis divina providentia pape quinti anno quarto in presentia mei infrascripti notarii et testium subscriptorum personaliter constitutus nobilis ac religiosus vir dominus Guillelmus de Venthedoro decanus humilis de Carennaco Caturcensis dyoecesis ordinis Cluniacensis michi predicto notario exhibuit et monstravit quasdam patentes litteras non rasas non cancellatas non abolitas nec in aliqua parte sui vitiatas sigillo regio Edwardi filii regis Edwardi pendente in cera alba veris et expressis litteris seu caracteribus sigillatas ut prima facie apparebat quas ad ejus requestam transcripsi publicavi et in formam publicam redegi quarum litterarum regiarum tenor sequitur sub hiis verbis [] Acta fuerunt hec omnia et singula suprascripta anno indictione die et loco supradictis presentibus Ponseto de Fraysheneto et Bertrando de Mierio domiciliis et Bertrando La Vidrinet ad hec testibus vocatis specialiter et rogatis Et ego Geraldus de Manso clericus Lemovicensis dyoecesis sacra auctoritate imperiali publicus notarius premissis omnibus et singulis una cum dictis testibus presens interfui et hec omnia et singula ad requestam dicti domini decani vidi et audivi et fideliter recepi scripsi et publicavi et in formam publicam redegi signoque meo consueto signavi rogatus Item facta fuit collatio de presenti instrumento cum dictis litteris regiis per me dictum notarium cum domino Andrea rectore ecclesie de Lhinars