Charter Document - 08120011

In Nomine Domini Amen Anno Domini millesimo ducentesimo nonagesimo octavo Indictione undecima Pontificatus Domini Bonifacii Pape octavi anno quarto die vicesima septima mensis Junii Sanctissimus Pater et Dominus Dominus Bonifacius divina providentia Papa octavus arbitrium laudum diffinitionem arbitrarem sententiam amicabilem compositionem mandatum ordinationem et alia infrascripta recitavit legi fecit dedit et protulit in hunc modum Dudum inter carissimos in Christo filios nostros Philippum Francorum ex parte una et Edwardum Anglie Reges illustres ex altera suggerente inimico humani generis pacis emulo super diversis articulis materia discordie ac dissensionis exorta tandem iidem Reges per speciales Nuncios et Procuratores ipsorum ad hoc ab eis mandatum habentes in nos Bonifacium divina providentia Papam octavum tamquam in privatam personam et Dominum Benedictum Gaytan tamquam in arbitrum arbitraturum laudatorem diffinitorum arbitrarem sententiat orem amicabilem compositorem preceptorem ordinatorem dispositorem et pronuntiatorum super reformanda pace et concordia inter ipsos Reges ac super hiis que ad pacem pertinent et super omnibus et singulis discordiis guerris litibus controversiis causis questionibus dampnis et injuriis petitionibus et actionibus realibus et personalibus atque mixtis que fuerant et erant seu vertebantur et esse vel verti possent inter ipsos Reges occasione quacumque de alto et basso absolute ac libere compromittere curaverunt prout in compromissarium instrumentis publicis inde confectis plenius continetur Nos igitur Bonifacius Papa predictus qui finem imponere litibus affectamus sed precipue inter Reges predictos quorum quietem indesinenter adpetimus et tanto serventius felices cupimus vigere successus quanto pleniori eos affectione prosequimur et puriori complectimur caritate hujusmodi compromissis receptis et nobiscum deliberatione prehabita diligenti vocatis quoque laudum Nuntiis et procuratoribus supradictis ad arbitrium mandatum et arbitrarem sententiam audiendum eisque coram nobis ad hoc specialiter constitutis ad laudem Omnipotentis Dei qui est pacis actor et salutis amator et gloriosa Virginis Matris ejus sicut arbiter arbitrator laudator et amicabilis compositor ac sicut privata persona Et Benedictus Gaytanus ex virtute ac forma com promissorum predictorum et omnimodo et jure quo melius possumus viam arbitrat oris laudatoris et amicabilis compositoris sequentes Dicimus arbitramur laudamus diffinimus arbiter aliter sententiamus mandamus disponimus et pronunciamus hac vice ut inter eosdem Reges fiat et si perpetua et stabilis pax et quod Treugue vel sufferentia voluntarie dudum indicte inite ac firmate inter eos eo modo et forma ac omnibus et illis personis et Terris et sub illis ponis conditionibus et temporibus sub quibus indicte inite ac firmate fuerint inviolabiliter observentur Ad hujusmodi autem pacem confirmandam roborandam atque servandam infra tempus quod duxerimus moderandum prefatus Rex Anglie Margaretam Sororem predicti Regis Francie recipere ac ducere cum dotalitii quindecim Milium Librarum Turonen assignando per ipsum Regem Anglie in locis competentibus de quibus inter partes fuerit concordatum vel ubi partes ipse non concordarent per nos arbitratum fuerit in Uxorem Et idem Rex Francie eandem Sororem suam eidem Regi Anglie in Uxorem dare ac tradere cum dispensatione sedis apostolice teneatur Quodque Isabellis a filia prelibati Regis Francie que infra annum septuennem dicitur constituta suo tempore Edwardo predicti Regis Anglie Filio qui jam tertium decimum etatis sue annum exegit cum simili dispensatione matrimonialiter cum dotalitii decem et octo Milium librarum Turonen similiter assignando per eundem Regem Anglie pro dicto Filio suo in competentibus locis de quibus concordaverint ipse partes vel de quibus nos duxerimus arbitrandum si super hoc inter eos non proveniret concordia copuletur Idque firmetur atque valletur ex nunc modis inferius annotatis videlicet Quod idem Rex Anglie pro Filio suo idemque Filius pro se quum ad hoc sufficientem habet etatem contrahant sponsalia predicta eorundem Regis et Filii juramentis firmanda Et Rex Francie nomine Filie sue predicte contrahat hujusmodi Sponsalia pro eadem Que ut valida sint et firma volumus dicimus et arbitramur quod Rex Francie promittat per juramentum pro ipso in animam suam prestandum se tradere predictam Filiam suam predicto Edwardo nuptus tempore quo concordatum extiterit inter ipsos vel per nos arbitratum fuerit vel laudatum Pro quibus attendendis firmiter et fideliter adimplendis dicimus laudamus et arbitramur quod pena de qua inter partes fuerit concordatum vel ubi partes ipse non concordarent per nos arbitranda et taxanda firmetur et ab utraque parte promissa valletur solvenda parti parenti a parte non parente per quam penam negotium istud in tuto ponatur et partes ad ejus finalem executionem efficacius inducantur Cujus pena promissionem et obligationem efficaciter valere volumus et decernimus ac tenere non obstantibus juribus que pro libertate Matrimoniorum hujusmodi penas inhibent que ex certa scientia pro tanto bono tollimus in hoc casu Addentes nihilominus quod Reges predicti aliquos de Baronibus suis notabiliores per juramenta faciant obligare ad sponsalia predicta et matrimonia procuranda et ad tollenda impedimenta pro viribus que possent circa hoc vel contra hoc inveniri Quia vero Sponsalia predicta tanto amplius desideramus habere felicem effectum et efficacem eventum quanto per hoc probabiliter credimus pacem predictam firmius et fidelius observari pro tanto pacis bono decernimus auctoritate apostolica quod Terre Regis illius cujus culpa vel malitia steterit quo minus contrahantur predicta sponsalia et matrimonium consummetur Ecclesiastico subjaceat interdicto nisi super hoc requisitus predicta cum effectu correxerit infra mensem Item dicimus laudamus arbitramur seu etiam definimus quod de omnibus bonis mobilibus vel se moventibus ablatis vel alias male subtractis et de omnibus dampnis datis hinc inde ante tempus mote vel orte guerre presentis primo de omnibus que extant et consumpta non sunt presertim de Navibus et aliis quibuscumque bonis per Anglicos et Vascones et eorum complices ante guerram occupatis in Mari vel in Terre quod Rex Anglie omnia qua de predictis extant bona fide sine lite et absque figura judicii omni fraude cessante ad requisitionem Regis Francie vel Nuncii sui statim faciat ad plenum restitui Et Rex Francia similiter siqua talia ante dictam Guerram capta vel ablata apud ipsum vel in sua potestate extantia reperta fuerint similiter ad plenum restitui faciat a prefato Rege Anglie vel ejus Nuncio requisitus De ablatis vero non extantibus sed deperditis et consumptis laudamus arbitramur seu etiam diffinimus quod Rex Anglie ad requisitionem Regis Francie vel ejus Nuntii satis fieri faciat et ad hoc faciendum etiam teneatur sine lite ac figura judicii bona fide et omni fraude cessante Et Rex Francie similiter siqua per gentes suas ablata deperdita seu consumpta inventa fuerint ad requisitionem Regis Anglie vel Nuntii sui faciat satis fieri taxatione nobis circa predictorum estimationem contra utramque partem ubi per concordiam partium negotium super predictis sopitum non esset plenaria reservata Item dicimus laudamus arbitramur seu etiam diffinimus quod idem Rex Anglie de omnibus Terris Vassallis et bonis que ipse nunc habet et tenet in Regno Francie seu tenebat ante motam guerram presentem habeat illam quantitatem et illam partem terrarum Vassallorum et bonorum eorundem quam sibi ex virtute com promissorum predictorum laudaverimus et mandaverimus assignari vel inter ipsos Reges fuerit concordatum et sub illis fidelitate homagio modis et conditionibus habeat sub quibus ipse ac Pater fuus habuisse hactenus et tenuisse noscuntur Modis et temperamentis per nos adhibendis in abusu siquis ex parte gentis Regis Francie hactenus commissus inventus fuerit in exercitio re forti Modis etiam et temperamentis per nos adhibendis in abusu partis alterius si quis videlicet ex parte Regis Anglie vel suorum hactenus commissus contra jus re forti fuerit inventus ne talia impostorum committantur Conditionibus etiam modis et securitatibus per nos imponendis et adhibendis in Terris Vassallis et bonis et aliis que per nostram pronuntiationem seu concordiam partium prefatus Rex Anglie habiturus est de predictis ne amodo idem Rex Anglie vel successores ejus contra Regem Francie vel successores ipsius valeant rebellare Dicimus etiam laudamus et arbitramur seu etiam diffinimus quod ex nunc omnes Terre Vassalli et bona predicta et alia tam que tenet Rex Francie de hiis que tenebat Rex Anglie ante guerram presentem quam que tenet Rex Anglie in Regno Francie bona fide ac sine omni fraude absolute ac libere in manibus et posse nostris ponantur et assignentur tenenda a nobis nomine Regis Francie que ex parte sua et nomine Regis Anglie que ex parte ejusdem nobis fuerint assignata Ita tamen quod per hoc in possessione vel proprietate nichil novi juris accrescat alterutri partium vel antiqui decrescat Super quorum assignatione si qua fuerit exorta dubitatio vel ambiguitas inter partes illam nostre declarationi et arbitrio reservamus Quod si forsan dicti Reges de ipsis Terris et bonis adinvicem concordaverint volumus laudamus et arbitramur ex nunc id in quo concordaverint perpetuo ac inviolabiliter observari alioquin nos ex compromissi predicti virtute apponemus ad id illud remedium quod Dominus ministrabit et ex tradita nobis potestate licebit Si vero casu aliquo contingente hoc facere non possemus volumus dicimus et arbitramur quod utrique parti pristina jura sua salva remaneant et illesa Porro per hujusmodi assignationem faciendam nobis de Terris Vassallis et bonis predictis nullum ipsius Regibus vel eorum alteri quoad possessionem vel proprietatem seu detentionem vel aliter prejudicium generetur Omnia autem et singula supradicta per nos arbitrata laudata diffinita et arbitrali aliter sententiat et pronuntiata dicimus arbitramur et precipimus sub penis in Compromissis contentis et aliis de quibus nobis videbitur [arbitrio nostro nihilominus firmo manente] a partibus inviolabiliter observari Et insuper reservamus nobis liberum arbitrium et plenarium potestatem prout ex forma Com promissorum predictorum nobis competit super omnibus et singulis que inter eosdem Reges ex Com promissis predictis arbitranda laudanda componenda diffinita et pronuntiata non sunt arbitrandi laudandi diffiniendi arbitra aliter sententiante precipiendi ordinandi disponendi atque pronuntiandi nec non et tam in omnibus et singulis arbitratis laudatis diffinitis et pronuntiatis in presenti arbitrio atque laudo quam in hiis que arbitranda laudanda arbitra aliter sententiante diffinienda et pronuntianda ut premittitur restant addendi minuendi corrigendi interpretandi et declarandi semel et pluries et quotiens nobis placuerit ac videbitur expedire Ceterum ut dextera domini que miram facit in suorum operum executione virtutem efficacius et perfectius huic negotio prosperetur terminum peremptorium ex nunc ipsis Regibus assignamus ut super omnibus in presenti arbitrio nobis super dicto negotio reservatis et ad ea pertinentibus illis die ac loco compareant coram nobis de quibus eis ad id per nostras duxerimus literas nuntiandum cum quibus super hiis pro ipsorum quiete ac prospero statu mundi et pro utilitate negotii Terre Sancte providere salubriter dante domino valeamus Acta lata et pronuntiata fuerunt arbitrium laudum arbitralis sententia mandatum diffinitio ordinatio dispositio et omnia supradicta per eundem Dominum Papam ut superius enarrantur Anno Indictione Mense ac die predictis Roma apud Sanctum Petrum in Palatio Papali in consistorio publico facto in fala Majori presente ibi gentium multitudine copiosa et presentibus Reverendis Patribus Dominis Dei gratia Gerardo Sabinen Fratre Matheo Portuensis et Sancte Rufing ac Johanne Tusculam Episcopis Johanne tituli Sanctorum Marcellini et Petri Nicolao tituli sancti Laurentii in Damasso Fratre Jacobo tituli sancti Clementis Thoma tituli Sancte Cecilie ac Roberto tituli Sancte Potentiana Presbiteris Matheo Sancte Marie in Porticu Nepolione Sancti Adriani Guillielmo Sancto Nicolai in Carcere Tulliano Francisco Sancte Marie in Cosmedin Petro Sancte Marie nove ac Jacobo Sancti Georgii ad velum aureum Diaconibus Sancte Romane Ecclesie Cardinalibus Venerabilibus Viris Dominis Johanne Judice Matheo Carazulo Guidone de Anagnia et Adenulpho de Supino Domini Pape Notariis Ac Nobilibus Viris Dominis Urso et Bertuldo de Giliis Ursi de Urbe Bartholomeo de Capua Regni Sicilie Logotheta et Jacobo de Pisis familiare ipsius Domini Papa Testibus Ac Domino Deodato de Urbe ipsius Domini Pape Capellano Qui arbitrium laudum arbitrarem sententiam mandatum diffinitionem ordinationem et omnia supradicta de mandato predicti Domini Pape ibidem publice legit et voce quasi preconia recitavit Et ego Nicolaus dictus Novellus de Vico Apostolica et Imperiali auctoritate Notarius predictis interfui et ea omnia ut supra legitur de mandato prefati Domini Pape scripsi et publicavi ac meo signo consueto signavi Nulli ergo omnino hominum liceat hanc paginam nostre constitutionis et annotationis infringere [] Data Roma apud Sanctum Petrum secundo Kalendas Julii Pontificatus nostri Anno quarto