Charter Document - 08110001

Alexander episcopus servus servorum Dei dilectis filiis decano ecclesia Sancti Stephani Trecensis et magistro Nicholao de Senis capellano nostro salutem et apostolicam benedictionem Cum dilecti filii Bonaventura Bernardini Bartholomeus Guidi Hugolinus Belmont Capitinus Bucci Bonifacius Juncta Aldebrandus Aldebrandini cives et mercatores Senenses pro se et ceteris eorum sociis civibus et mercatoribus Senensibus venerabili fratri nostro episcopo Herefordensi nomine dilectorum filiorum abbatis et conventus monasterii de Osencia ordinis Sancti Augustini Lincolniensis dioecesis renuncianti constitutioni de duabus dictis edite in concilio generali et omnibus litteris et indulgentiis a sede Apostolica impetratis ac etiam impetrandis ducentas marcas sterlingorum bonorum et novorum tredecim solidis et quatuor sterlingis pro marca qualibet computatis auctoritate litterarum nostrarum apud sedem Apostolicam pro expediendis dictorum abbatis et conventus ac monasterii negotiis mutuarent certis eis loco et terminis persolvendas prout in instrumento publico exinde confecto plenius continetur discretioni vestre per apostolica scripta mandamus quatenus si dicti abbas et conventus ac successores eorum in statutis loco et terminis juxta instrumenti predicti tenorem ita quod nulla alia probatio vel certitudo super hujusmodi debito exigatur mercatoribus ipsis quibus pretextu alicujus constitutionis canonica vel civilis aut cujuscumque privilegii vel indulgentia de quibus plenam et expressam oporteat in presentibus fieri mentionem probandi necessitatem incumbere nolumus quod pecunia ipsa in utilitatem prefatorum abbatis et conventus ac monasterii sit conversa non satisfecerint de pecunia memorata vos in dictum abbatem et successores ipsius qui erunt pro tempore excommunicationis sententiam proferentes conventum ipsum sublato appellationis obstaculo subiciatis ecclesiastico interdicto et tamdiu abbatem et successores ipsius excommunicatos faciatis publice nunciari singulis diebus Dominicis et festivis pulsatis campanis et candelis accensis donec prefatis mercatoribus de pecunia predicta cum justis et moderatis expensis ac debita restauratione damnorum super quibus juramento alterius mercatorum ipsorum sine aliqua alia probatione dicti abbatis et conventus credere teneantur usuris omnino cessantibus fuerit satisfactum Si vero dicti abbas et conventus in hujusmodi sententiis per duos menses permanserint ab amministratione spiritualium et temporalium suspendatis eosdem prefigentes ipsis terminum peremptorium competentem quo abbas personaliter conventus vero per procuratores idoneos nostro se conspectui representent penam debitam pro meritis recepturi contradictores per censuram ecclesiasticam appellatione postposita compescendo non obstante si dictis abbati et conventui aut aliquibus aliis ex eisdem quod excommunicari suspendi vel interdici aut conveniri extra certas dioeceses seu extra vel ultra certa loca vel ad solutionem aliquorum debitorum nisi creditores legitime probaverint ca in utilitatem predictorum abbatis monasterii et conventus fuisse conversa compelli non valeant a sede Apostolica sit indultum aut quod Anglicis ab eadem sede concessum esse dicitur ut per literas sedis ipsius extra regnum Anglie valeant ad judicium evocari et universis privilegiis vel literis apostolicis generalibus et specialibus sub quacumque forma verborum obtentis et obtinendis et quibuslibet aliis per que id impediri vel differri valeat et de quibus et eorum totis tenoribus de verbo ad verbum plenam et expressam fieri oporteat in presentibus mentionem et constitutione de duabus dictis edita in concilio generali vel si dicti abbas et conventus crucesignati sint vel cruce signari eos contigerit et indulgentiis que a predicta sede crucesignatis generaliter vel eorum aliquibus specialiter sint concesse vel in posterum concedentur Quod si non ambo his exequendis potueritis interesse alter vestrum ea nihilominus exequatur Datum Neapoli xii kalendas Junii pontificatus nostri anno primo