Charter Document - 08100014
| Charter Number: | 08100014 |
|---|---|
| Cartulary Title: | Annales Prioratus de Dunstaplia [Dunstaple] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1284 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gratia vicecomiti Bedefordie salutem Cum Cristiana que fuit uxor Simonis Mustard appellet in comitatu tuo Johannem et alios et Willelmum priorem de Dunstaple de morte predicti Simonis quondam viri sui ac iidem appellati nulla querentes subterfugia sed se secundum legem et consuetudinem regni nostri justiciane permittentes nobis attente supplicaverint quod nos appellem illud cum celeritate qua fieri poterit audiri et terminari ac partibus inde plenam et celerem justitiam exhiberi faciamus assignavimus dilectos et fideles nostros Thomam de Bray et Robertum Malet justitiarius nostros una cum his quos sibi associaverint ad appellem illud audiendum et terminandum secundum legem et consuetudinem regni nostri Et ideo tibi precipimus quod ad certos diem et locum quos idem Thomas et Robertus tibi scire faciant venire facias coram eis appellem predictum cum attachiamentis et omnibus aliis appellis illud tangentibus et tot et tales probos et legales homines de balliva tua per quos rei veritas in premissis melius sciri poterit et inquiri Et scire facias predicte Cristiane quod tunc sit ibi appellem suum versus Johannem et alios et Willelmum priorem inde prosecuturam si voluerit et habeas ibi hoc breve Teste meipso apud [Harlech] nono die Maii anno regni nostri duodecimo