Charter Document - 08100013
| Charter Number: | 08100013 |
|---|---|
| Cartulary Title: | Annales Prioratus de Dunstaplia [Dunstaple] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1284 |
| Date type: | Internal, A.D., Feast |
| Resource Link(s): |
|
Charter:
Actum in prebendali ecclesia Sancte Marie de Stowe in crastino Sancte Agnetis virginis anno Domini MCCLXXXIII coram nobis O[livero] permissione divina Lincolniensi episcopo in causa que vertitur inter religiosos viros priorem et conventum de Dunstaple actores per magistrum Radulfum de Luffenham clericum procuratorem suum legitimum comparentes ex parte una et vicarios de Segenho et Husseburne reos nullo modo comparentes ex altera videlicet cum constaret per certificat oriam decanorum de Dunstaple et de Flitta dictos vicarios ad dictum diem legitime fuisse vocatos ipsos non comparentes exigente justitia reputavimus contumaces penam sibi pro contumacia pro loco et tempore infligendam nobis reservantes decernentes eosdem iterato peremptorie fore citando quod die Lune in prima septimana Quadragesime proxime futura compareant coram nobis ubicumque tunc fuerimus in nostra dioecesi prefatis religiosis super his que contra eos duxerint proponenda responsuri et ulterius facturi quod justitia suadebit Quem diem ubicumque fuerimus in nostra dioecesi prefato procuratori nomine dominorum suorum et dominis suis in persona ejusdem ad faciendum quod justum fuerit in dicta causa prefigimus et assignamus