Charter Document - 08100005
| Charter Number: | 08100005 |
|---|---|
| Cartulary Title: | Annales Prioratus de Dunstaplia [Dunstaple] |
| Charter Language: | Latin |
| Charter Origin: | Royal |
| Charter Type(s): | Final Concord |
| Date: | 1229 |
| Date type: | Internal, Feast, Regnal |
| Resource Link(s): |
|
Charter:
Hec est finalis concordia facta in curia domini regis apud Westmonasterium a die Sancti Johannis Baptista in quindecim dies anno regni regis Henrici filii regis Johannis quarto decimo coram Thoma de Multone Willelmo de Ralegh Roberto de Lexintone Willelmo de Insula Willelmo de Londonia magistro Roberto de Sardelowe et Radulfo de Norwico justiciariis et aliis domini regis fidelibus tunc ibi presentibus Inter Ricardum priorem de Dunstaple querentem et omnes burgenses ejusdem ville deforciantes per Alexandrum Juvenem et Johannem fratrem ejus et Elyam de Capella positos loco predictorum burgensium ad lucrandum vel perdendum de tallagiis et auxiliis que idem prior exigebat ab eisdem burgensibus quotiescunque dominus rex talliaret dominica sua et denariis dandis pro misericordiis in quas ipsi burgenses incident sicut et alii homines de villis vicinis dare consueverunt Dixerunt quod nullum tallagium vel auxilium eidem priori dare debuerunt et quod nullus eorum dare deberet pro misericordia qualiscunque esset nisi tantum quatuor denarios et similiter de aliis consuetudinibus et servitiis qua idem prior ab eis exigebat et que ipsi burgenses ei non cognoverunt Et unde placitum fuit in prefata curia inter eos scilicet quod predictus prior pro se et successoribus suis quantum ad ipsum et successores suos pertinet concessit quod omnes predicti burgenses et heredes eorum quieti sint de omnibus tallagiis et auxiliis in perpetuum Et quod pro misericordiis in quas ipsi burgenses de catero inciderint unusquisque quietus sit per quatuor denarios in omnibus placitis et querelis que inter ipsum priorem et successores suos et predictos burgenses et heredes eorum teneri possint in curia ipsius prioris et successorum suorum preter placita corona Salva tamen cuilibet injuriam passo competenti emenda secundum modum et quantitatem damni vel injuria Et preterea idem prior pro se et successoribus suis concessit quantum ad ipsum et successores suos pertinet quod predicti burgenses et heredes sui de cetero utantur omnibus aliis liberis consuetudinibus quibus usi fuerunt ante placitum motum inter eos sicut eisdem uti solent et debent Et predicti burgenses pro se et heredibus suis concesserunt quod faciant pradicto priori et successoribus suis et ecclesie sue de Dunstaple omnes liberas consuetudines quas ante predictum placitum motum facere consueverunt sicut facere solent et debent Ita scilicet quod si in aliquo in posterum inter ipsum priorem et successores suos et predictos burgenses et heredes suos oriatur contentio que per ipsos hinc inde sopiri non possit tunc de communi assensu simul veniant vel mittant aliquos de suis ad justiciarium domini regis apud Westmonasterium et quod ab eisdem justiciariis responsum consultum vel judicatum fuerit sine omni contradictione et dilatione faciant hinc inde inter eos firmiter observari Salvis semper predictis articulis de tallagiis auxiliis et misericordiis secundum quod predictum est Et pro hac concessione fine et concordia predicti burgenses dederunt predicto priori sexaginta libras sterlingorum