Charter Document - 08100001
| Charter Number: | 08100001 |
|---|---|
| Cartulary Title: | Annales Prioratus de Dunstaplia [Dunstaple] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1228 |
| Date type: | Internal, Calendar, Regnal |
| Resource Link(s): |
|
Charter:
Henricus rex Anglie vicecomiti Bedefordia salutem Constat nobis per rotulos quos justiciarii nostri ultimo itinerantes in comitatu tuo liberaverunt baronibus de scaccario nostro quod hundreda de Redburnestoch Maneshefede Flitte et dimidium hundredum de Stanbrige amerciata fuerunt coram eisdem justiciariis exceptis libertatibus Et quia canonici de Dunstaple proferunt cartas predecessorum nostrorum regum Anglie per quas clamant quietantiam tam de murdro quam de aliis amerciamentis tibi precipimus quod eisdem canonicis et hominibus suis in predictis hundredis pacem habere permittas tam de demanda murdri quam aliorum amerciamentorum Et si quid ab hominibus eorum occasione predicta cepisti id eis reddas Teste J[ocelino] Bathoniensi episcopo apud Westmonasterium decimo quinto die Decembris anno regni xiii