Charter Document - 08090008

Frater Johannes permissione divina Cantuariensis archiepiscopus totius Anglie primas venerabilibus fratribus [] coepiscopis suis salutem et sinceram in Domino caritatem Celebraturi nuper ut scitis apud Lameheth provinciale concilium cum coepiscoporum nostrorum venerando collegio universos nostre provincia prelatos inferiores quos conciliorum tractatibus interesse jubent sacri canones vocandos decrevimus ac inter ceteros religiosa sanctimonia personas precipuas abbates et priores non solum episcopali gradui subjectos juxta ordinem ecclesiastica hierarchia verum etiam alios ab episcopali obedientia exemptos ratione saltem ecclesiarum non exemptorum quas in proprios usus permittente Domino detinent occupatas sperantes nos solius Dei honori ac communibus ecclesia Anglicana commodis servientes eorum juvandos potentia dirigendos consiliis et sanctitatis sue meritis promovendos Exempti vero tanquam pullos onagri liberos se putantes minime vel modice condolentes sue sancte matris angustiis cujus viscera multi ex eis plus onerant quam honorant quasi per effectum vel defectum verius de se dictum illud Johannis propheticum in Apocalypsi [allegarent] Atrium quod foris est templum eice joras et ne metiaris illud nec parturientium cervarum audire rugitus ut ad ipsum concilium in anxietate matris consilium et solatium venire dignati sunt utpote filii alieni a semitis claudicantes Quin potius ne in aliquo detumesceret [distenta] eorum nimis elatio nec procuratores ad sua excusationem absentia mittere curaverunt collegium tam reverendum contemnentes Agar ex parte similes qua illustrem despexit dominam videns se divisionis filium concepisse Nos autem tam ingrata presumptionis audaciam secundum juris regulas corrigere cupientes scientes quia juxta illud Salvatoris contra nos esse qui nobiscum stare despiciunt severitati tamen plurimum subtrahentes quam possemus in hujusmodi contemptores si vellemus canonice exercere in virtute obedientia qua sedi Cantuariensi estis astricti firmiter injungendo mandamus quatenus omnes ecclesias non exemptas in dioecesibus vestris exemptis monasteriis appropriatas quarum nomina sub sigillo nostro presentibus sunt appensa cujuscunque ordinis existant auctoritate nostra sine more dispendio sequestrantes eas faciatis sub arcto sequestro nihilominus custodiri donec super hoc aliud a nobis receperitis in mandatis Non exemptos quidem quorum nomina in schedula presentibus annexa continentur quos nos propter corum contumaciam ab ingressu ecclesia suspendimus justitia exigente sic suspensos faciatis publice denunciari