Charter Document - 08090007

Henricus rex Anglie dominus Hibernie dux Aquitannie omnibus de communitate salutem Cum propter hostilem turbationem habitam in regno nostro de unanimi assensu nostro et voluntate Edwardi filii nostri primogeniti prelatorum comitum baronum et communitatis regni nostri pro regni ipsius pace pro cujus securitate dominus Edwardus et Henricus filius regis Alemannie nepos noster obsides dati fuerunt concorditer sit provisum quod quedam ordinatio de unanimi assensu nostro prelatorum comitum baronum predictorum super nostro et regni nostri statu Londonia mense Junii anno regni nostri xlix facta inviolabiliter observetur universitatem vestram scire volumus quod nos ordinationem ipsam et tranquillitatem regni observare bona fide et in nullo contravenire ad Sancte Dei Evangelia juravimus Hoc adjecto in eodem sacramento specialiter et quidem expresse quod occasione factorum precedentium tempore turbationis et guerre precedentis neminem occasione abimus aut in culpabimus de illis aut ex parte illorum quos tanquam inimicos devitavimus puta comites Leycestrie et Glocestrie et alios sibi adherentes ac barones seu cives nostros Londonia et Quinque Portuum nec alicui de predictis damnum faciemus aut fieri procurabimus vel per balivos nostros fieri permittemus Juravimus insuper quod ea omnia que per liberationem dictorum filii nostri et nepotis sunt provisa et sigillo nostro sigillata quantum ad nos pertinet inviolabiliter observabimus et ab aliis pro posse nostro faciemus observari Volentes et consentientes expresse quod si nos vel dictus Edwardus filius noster contra predictam ordinationem promissionem nostram seu juramentum quod absit in aliquo venire seu pacem et tranquillitatem regni nostri turbare seu occasione factorum precedentium tempore turbationis aut guerra precedentis aliquem de predictis aut de parte predictorum quos definivimus occasionare seu alicui de eis damnum facere aut fieri procurare presumpserimus liceat omnibus de regno nostro contra nos insurgere et ad gravamen nostrum opem et operam dare juxta posse Ad quod ex presenti precepto nostro omnes et singulos volumus obligari fidelitate [et] homagio nobis factis non obstantibus Ita quod nobis in nullo intendant sed omnia que ad gravamen nostrum respiciunt faciant ac si in nullo nobis tenerentur donec quod in hac parte transgressum fuerit seu commissum cum satisfactione congrua in statum debitum secundum predictorum ordinationis et promissionis nostra et juramenti formam fuerit reformatum quo facto nobis sicut prius intendentes existant Et si aliquis alius de regno nostro contra predicta venire seu pacem et tranquillitatem regni nostri perturbare presumpserit seu nobis vel Edwardo filio nostro aut alicui alteri contra predicta vel aliquid predictorum venientibus opem consilium consensum vel auxilium quoquo modo prestiterit si hoc notorium fuerit aut de hoc per considerationem concilii nostri et magnatum terre nostra convictus fuerit de unanimi assensu nostro Edwardi filii nostri comitum baronum ac communitatis regni nostri provisum est quod corpus ipsius si inventum est capiatur alioquin a regno nostro ut legetur Et si inventus fuerit sive non tam ipse quam heredes in perpetuum exheredentur ac de terris et tenementis ipsorum fiat prout de terris eorum qui de felonia convicti sunt secundum leges et consuetudines regni nostri fieri consuevit Ad hoc de unanimi assensu et voluntate nostra Edwardi filii nostri prelatorum comitum baronum communitatis regni nostri concorditer provisum est quod carta antiqua communium libertatum et foresta communitatis regni nostri per nos dudum concesse in quarum violatores ad petitionem nostram sententia excommunicationis dudum lata est et per sedem apostolicam specialiter confirmata nec non et omnes articuli de nostro et magnatum terre nostre communi assensu dudum provisi quos nuper apud Wygorniam existentes per singulos comitatus sub sigillo nostro transmisimus inviolabiliter observentur in perpetuum Ad quorum observantiam sacramento ad Sancte Dei Evangelia prestito sponte nos obligamus et omnes justitiarios nostros vicecomites et quoscunque balivos de regno nostro tam nostros quam aliorum simili sacramento volumus obligari ita quod nullus teneatur alicui balivo obedire donec predictum sacramentum prestiterit Et si quis contra cartas ipsas vel articulos predictos venire presumpserit preter perjuri reatum et excommunicationis sententiam quam incurret per considerationem curie nostre graviter puniatur salvo in premissis prout debet privilegio clericali Et quia volumus quod hec omnia firmiter et inviolabiliter observentur universitati vestre firmiter injungendo et precipiendo mandamus quatinus omnes et singuli predicta omnia et singula faciatis teneatis et inviolabiliter observetis et ad ca omnia facienda tenenda et observanda ad Sancte Dei Evangelia sacramento prestito ad invicem vos obligatis In cujus rei testimonium cartas et ordinationes predictas cum presentibus literis nostris patentibus vobis sub sigillo nostro transmittimus in comitatu vestro sub custodia fide dignorum ad hoc electorum ad rei memoriam salvo custodiendas Contra quas ne quis ignorantiam pretendere possit in futurum ad minus bis in anno in pleno comitatu tuo ipsas precipimus publicari ita quod prima publicatio fiet in proximo comitatu post instans festum Pasche secunda vero publicatio fiet in proximo comitatu post festum Sancti Michaelis et sic deinceps fiat annuatim Volumus etiam quod salvis omnibus supradictis omnes alie ordinationes et articuli per nos et concilium nostrum hactenus provisi qui poterunt ad honorem Dei et ecclesie fidem nostram et regni nostri commodum observari inviolabiliter observentur et teneantur Ut autem premissa omnia et singula firma maneant et inconcussa reverendi patres episcopi per regnum nostrum constituti ad instantiam nostram sententiam excommunicationis fulmina verrunt in omnes illos qui contra premissa vel aliquod premissorum scientes venerint vel venire temptaverint cum effectu Quorum jurisdictioni seu coertioni spontanea voluntate quantum ad premissa nos submisimus privilegiis nostris omnibus impetratis aut impetrandis seu proprio motu domini Papa nobis concessis aut in posterum concedendis in hoc pure renunciantes prout in literis nostris super hoc confectis penes dictos prelatos residentibus plenius continetur In cujus rei testimonium has literas nostras vobis transmittimus patentes Data Londonie anno regni nostri xlix