Charter Document - 08090006

Universitati vestra notum facimus quod cum Deum et matrem nostram sanctam ecclesiam in multis offenderimus et propter hoc ipsum divina misericordia plurimum indigere noscamur nec quid digne offerre possumus pro satisfactione Deo et ecclesie debita facienda nisi nos ipsos habeamus et regna nostra volentes humiliari pro Illo qui se humiliavit pro nobis usque ad mortem gratia Spiritus inspirante ad optimum consilium baronum nostrorum offerimus et libere concedimus Deo et sanctis Apostolis ejus Petro et Paulo et sancte Romane ecclesia matri nostre ac domino Pape nostro Innocentio tertio ejusque successoribus omne jus patronatus quod habemus in ecclesiis Anglicanus totumque regnum Anglie et totum regnum Hibernia cum omni jure et pertinentiis suis pro remissione peccatorum nostrorum et totius generis nostri tam pro vivis quam pro defunctis Et amodo illa a Deo et ecclesia Romana tanquam feudarius recipientes et tenentes in presentia prudentis viri Pandulphi domini Pape subdiaconi et familiaris fidelitatem exinde domino Pape Innocentio tertio ejusque successoribus catholicis et ecclesia Romana secundum subscriptam formam facientes et homagium ligium in presentia domini Pape si coram eo esse possemus eadem faceremus successores nostros et heredes de uxore nostra in perpetuum obligantes ut simili modo summo Pontifici qui pro tempore fuerit ecclesia sine contradictione dictam fidelitatem prestent et homagium recognoscant et nos insuper vacantium ecclesiarum custodiam perpetuo amittamus Ad indicium autem hujus nostra perpetue oblationis et concessionis volumus et stabilimus ut de propriis et specialibus reditibus predictorum regnorum nostrorum pro omni consuetudine quam pro ipsis facere debemus salvo per omnia denario Sancti Petri mille marcas sterlingorum ecclesia Romana percipiat annuatim scilicet in festo Sancti Michaelis d marcas et in Pascha d marcas septingentas scilicet marcas pro regno Anglie et ccc pro regno Hibernie salvis nobis et heredibus nostris justitiis ac libertatibus et regalibus nostris qua omnia sicut supradicta sunt rata esse volentes et perpetua atque firma obligamus nos et successores nostros contra non venire et si nos vel aliquis successorum nostrorum hoc attemptare presumpserit quicunque fuerit ille nisi ammonitus resipuerit cadat a jure regni et ut carta oblationis et concessionis nostra semper firma permaneat [] Ab hac hora in antea fidelis ero Deo et beato Petro et ecclesia Romane ac domino Pape Innocentio tertio ejusque successoribus catholice intrantibus Patrimonium vero beati Petri et specialiter regnum Anglie et regnum Hibernie adjutor ero ad tenendum et defendendum contra omnes homines pro posse meo sic me Deus adjuvet et hac sancte Evangelie teste me ipso apud domum militia Templi