Charter Document - 08090003
| Charter Number: | 08090003 |
|---|---|
| Cartulary Title: | Annales Monasterii de Waverleia [Waverley] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1212 |
| Date type: | Internal, Calendar, Feast, Regnal |
| Resource Link(s): |
|
Charter:
Precipimus vobis quod capiatis in manum nostram omnes ecclesias et redditus quos archiepiscopus et episcopi Anglie vel prior Cantuariensis qui ultra mare sunt dederunt in ballivi vestra in absentia sua et precipiatis omnibus illis qui ea de dono illorum receperunt quod sine dilatione exeant de terra nostra et scire faciatis distincte in crastino Sancti Johannis Baptiste anno regni nostri xiv baronibus nostris de scaccario ubi fuerint redditus illi et quantum singuli valeant et qui illi sunt qui eos receperunt Datum vii idus Junii