Charter Document - 08070016

Henricus Dei gratia rex Anglie [] archiepiscopis episcopis abbatibus prioribus comitibus baronibus justiciariis forestariis vicecomitibus prepositis ministris et omnibus ballivis et fidelibus suis salutem Sciatis nos intuitu Dei et ob reverentiam beati Edwardi predecessoris nostri et pro anima patris nostri domini Johannis regis et pro salute anime nostre et antecessorum et heredum nostrorum concessisse et hac presenti charta nostra confirmasse pro nobis et heredibus nostris in perpetuum Deo et ecclesie Sancti Petri Westmonasterii et glorioso regi Edwardo patrono nostro speciali et R[icardo de Barking] abbati Westmonasterii et monachis ibidem Deo servientibus et successoribus suis omnes terras et donationes terrarum hominum elemosynarum rerum redituum possessionum et cellarum a predecessoribus nostris regibus Anglie vel ab aliis fidelibus temporibus preteritis vel in presenti collatas vel in futuro a nobis seu successoribus nostris regibus Anglie vel ab aliis fidelibus conferendas vel alio modo juste adquisitas vel in posterum adquirendas tam in ecclesiis quam rebus et possessionibus ecclesiasticis seu mundanis Quare volumus et firmiter precipimus quod predicta ecclesia Westmonasterii et predicti abbas et monachi et eorum successores et celle ad dictam ecclesiam pertinentes habeant et teneant ecclesias suas homines terras eleemosynas res redditus et possessiones cum omnibus libertatibus et liberis consuetudinibus et quietantiis suis in bosco et plano in pratis et pascuis et pasturis in aquis et molendinis in viis et semitis in stagnis et vivariis in mariscis et piscariis in grangiis et virgultis infra burgum et extra cum socha et sacha et thol et theam infongenthef et utfongenethef wesegeldeneyef hamsochne et grithbriche et blodwite infang et forfang flithwite et fitwite et fredwite et angwite et leyrwite et flemiswite et flemesfremthe et escapio de prisona et murdro et latrocinio et de pecunia que ad murdrum pertinet sive ad latrocinium et forestam infra tempus et extra et cum omnibus causis que sunt vel esse possunt Concedimus etiam inperpetuum quod predicta ecclesia Westmonasterii et predicti abbas et monachi cum cellis suis sint quieti de omnibus misericordiis et quod ipsi et omnes homines sui de tenementis que de ipso abbate et cellis suis tenent liberi sint ab omni scoto et geldo et omnibus auxiliis regum vicecomitum et ministrorum suorum et misericordia et fine comitatus et hidagio et carucagio et danegeldo et hornegeldo et wapentake et tallagio lestagio et stallagio schewinge mischenninge burebrige mundbrige syris et hundredis swanimotis placitis et querelis assisis visis et sum monitionibus et de thesauro ducendo et warda et wardepeni et averpeny et hundretpeny et bortalpeny et tithenspeny et de omnibus operibus castellorum parcorum murorum vivariorum et pontium clausuris et omni carreyo et summagio et navigio et domuum regalium edificatione et omnimoda operatione Et prohibemus ne bosci eorum ad predicta opera vel ad aliqua opera alia ullo modo capiantur Similiter bladum eorum vel hominum suorum vel aliquid de rebus suis vel hominum suorum ad castella munienda non capiantur Volumus etiam quod libere et sufficienter sine qualibet occasione thimagii vel alterius impedimenti capiant de omnibus bosci suis ad usus suos proprios quando voluerint nec propter hoc in forisfactum de vasto vel in misericordia ponantur Omnes quoque terras et purpressuras jam factas et omnia assarta sua et hominum suorum qui non sunt comites vel barones jam facta et que in posterum regio assensu fient eis inperpetuum quieta clamamus de vasto et rewardo et de visu forestariorum et de omnibus aliis que ad forestam vel forestarios pertinent et quod ipsi et successores sui inperpetuum et homines sui predicti de tenementis que de ipsis tenent liberi sint et quieti de canum expeditione Precipimus etiam quod dicti abbas et monachi et homines sui de tenementis que de ipsis tenent liberi sint et quieti ab omni teloneo in omni foro et in omnibus nundinis et in omni transitu pontium aquarum viarum et maris per totum regnum nostrum et per omnes terras nostras in quibus libertates eis dare possumus et omnia mercimonia sua et hominum suorum sint similiter in predictis locis ab omni teloneo quieta Concedimus etiam dictis abbati et monachis et successoribus suis quod habeant visum franci plegii in omnibus terris suis et tenementis cum placito vetiti namii et cum finibus pro licentia concordandi Insuper concedimus eis et confirmamus quod si aliquis hominum suorum qui non sunt comites vel barones pro delicto suo vitam vel membrum debeat amittere aut fugerit et judicio stare noluerit vel aliud delictum fecerit pro quo debeat catalla sua perdere ubicumque justitia fieri debeat sive in curia nostra sive in alia curia ipsa catalla sint predictorum abbatis et monachorum et liceat ipsis sine disturbatione vicecomitis et omnium ballivorum nostrorum et aliorum ponere se in seisinam de predictis catallis in predictis casibus et aliis quando ballivi nostri si ad nos pertinerent catalla illa in manibus nostris ea seisire possent et deberent Insuper concedimus quod animalia que dicuntur Weif inventa in feudo illorum sint ipsorum nisi aliquis ea secutus fuerit qui velit et possit probare quod sua sint et nisi fuerint infra terminos competentes secundum consuetudinem patrie petita et secuta Et si aliquis tenentium predictorum abbatis et monachorum vel cellarum feudum suum quod tenent de predicto abbate vel cellis predictis foris fecerit liceat ipsis predictis ponere se in seisinam de ipso feudo suo et ipsum feudum suum cum pertinentiis suis possidere non obstante eo quod consuevimus feudum fugitivorum et damnatorum per unum annum et unum diem possidere Et si aliquis tenentium vel hominum suorum exceptis comitibus et baronibus sit amerciatus coram nobis justiciariis nostris vicecomitibus constabulariis forestariis ballivis eorum vel aliis ministris nostris cujuscunque conditionis fuerint pro quacumque causa debito vel forisfacto dicti abbas et monachi omnes mercias et amerciamenta et fines pro licentia concordandi et eorum districtiones absque aliqua contradictione habeant Et si forte aliquo casu per ballivos nostros vel heredum nostrorum dicte mercia vel amerciamenta fuerint collecta super scaccarium nostrum vel heredum nostrorum per visum thesaurarii qui pro tempore fuerit eisdem abbati et successoribus suis sine diminutione reddantur Concedimus etiam eisdem et hac charta nostra pro nobis et heredibus nostris confirmamus quod si forte aliqua predictorum libertate usi non fuerint nihilominus ea de cetero utantur Et prohibemus ne aliquis predictos abbatem et monachos seu cellas gravet inde vel inquietet neque eis molestiam vel injuriam faciat vel fieri permittat neque in placitum ponat de aliquo tenemento suo quod teneant nisi coram nobis ipsis et heredibus nostris vel justiciariis nostris Concedimus etiam eisdem quod nullus ingredi feudum ipsorum vel terras eorum habere seu retinere possit nisi de consensu abbatis qui pro tempore fuerit Hec omnia predicta eis concedimus et confirmamus in puram et perpetuam eleemosynam cum omnibus libertatibus et liberis consuetudinibus quas regia potestas liberius alicui domui religionis conferre potest pro Dei amore et pro anima domini regis Johannis patris nostri et pro animabus omnium antecessorum et successorum nostrorum Et prohibemus super forisfactum nostrum quod nullus justiciarius vicecomes constabularius forestarius vel eorum ministri de terris reditibus possessionibus vel boscis se in magno vel in minimo contra hanc chartam nostram intromittat nec eis vel hominibus suis vel cellis in aliquo forisfaciat quia ipsos et omnes res et possessiones suas et hominum suorum in custodiam et specialem protectionem nostram suscepimus His testibus venerabili patre W[altero] Carleonensi archiepiscopo [] Datum per manus venerabilis patris Radulfi Cycestrensis episcopi cancellarii nostri apud Wodestoke primo die Junii anno regni nostri nono decimo