Charter Document - 08070012

Henricus Dei gratia rex Anglie [] Sciatis nos dedisse concessisse et hac presenti charta nostra confirmasse Huberto de Burgo comiti Cantie et M[argarete] uxori sue et heredibus eorum de eisdem Huberto et Margarete descendentibus et aliis heredibus ipsius Huberti quod ipsi et homines sui habeant quietantiam in perpetuum de schiris et hundredis et sectis schirarum et hundredorum wapentacorum et lestorum et de auxiliis vicecomitum et ballivorum suorum et misericordiis eorum et de custodiis et operationibus et clausuris castellorum parcorum et pontium et de passagio pontagio stallagio tailagio theolneto hidagio lestagio paagio et pecunia pro murdro danda Et quod idem Hubertus et Margareta et heredes sui sicut predictum est habeant omnes terras et tenementa sua in perpetuum ubique cum soc et sac tol et them infongenthef utfongenthef hamsocne leirwite chidwite murdre latrocinium et franci plegium ita quod visus franci plegii fiat in curia predictorum Huberti et Margarete et heredum suorum predictorum coram serviente nostro ad hoc vocato si venire voluerit et si venire noluerit non ideo remaneat et si qua inde pervenerit misericordia sit ipsorum Huberti et Margarete et heredum suorum predictorum Concessimus etiam eis quod habeant liberam curiam suam de omnibus placitis que vicecomites placitare solent et de omnibus aliis placitis querelis et attachiamentis de omnibus hominibus et tenentibus suis ubicumque vel de quibuscumque vel quacumque occasione implacitentur vel attachientur vel attestentur salva nobis et heredibus nostris justitia vite et membrorum et placitis que ad coronam nostram pertinent que justiciarii itinerantes in itinere suo placitare solent et debent Has autem libertates et liberas consuetudines eis dedimus et concessimus salvis eis in omnibus et per omnia libertatibus et liberis consuetudinibus quas prius habuerunt in terris tenementis et feodis suis Et prohibemus super foris facturam nostram quod nullus eis contra hanc chartam nostram in aliquo foris faciat quia ipsos homines res et possessiones suas et heredum et hominum suorum in custodiam et specialem protectionem nostram suscepimus Quare volumus et firmiter precipimus quod predicti Hubertus et Margarete et heredes eorum sicut predictum est habeant et teneant omnes et libertates et liberas consuetudines prescriptas in omnibus terris et tenementis suis et in omnibus aliis locis libere quiete integre honorifice pacifice jure hereditario in perpetuum sicut predictum est His testibus Datum per manus venerabilis patris R[adulphi de Neville] Cicestrensis episcopi cancellarii nostri apud Westmonasterium xviii die Julii anno regni nostri undecimo