Charter Document - 08070010
| Charter Number: | 08070010 |
|---|---|
| Cartulary Title: | Annales de Burton |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1226 |
| Date type: | Internal, Calendar, Regnal |
| Resource Link(s): |
British Library - Cotton MS Vespasian E III (f20r,p53) |
Charter:
Henricus Dei gratia rex Anglie [] archiepiscopis episcopis abbatibus prioribus comitibus baronibus justiciariis forestariis vicecomitibus prepositis ministris et omnibus ballivis et fidelibus suis salutem Sciatis nos concessisse et hac presenti charta nostra confirmasse Deo et Sancte Marie de Burthonia et abbati et monachis ibidem Deo servientibus warennam per totam terram suam et prohibemus super decem libras foris facture ne aliquis in ea fuget neque leporem capiat neque venetur sine licentia abbatis Concessimus etiam predictis abbati et monachis curiam suam plenaria de omnibus placitis et querelis cum socca et sacca et thol et theam et infongenthef et omnibus consuetudinibus in burgo et extra burgum in bosco et plano in aquis in viis et extra vias et in omnibus locis Precipimus etiam quod totum corredium et omnes res abbatis et monachorum de Burthonia quas homines sui affidare poterunt suas esse proprias sint quiete de teloneo et passagio et pontagio et omni consuetudine Et prohibemus quod nullus eis vel rebus suis in aliquo injuriam faciat vel contumeliam vel injuste disturbet super decem libras foris facture Et ideo vobis mandamus et firmiter precipimus quod predictos abbatem et monachos de Burthonia terras res redditus tenementa possessiones et omnia sua tam ecclesiastica quam laica manu teneatis custodiatis et protegatis sicut nostra dominica non inferentes eis vel rebus suis neque ab aliquo inferri permittentes injuriam gravamen aut molestiam Et si quis eis in aliquo foris fecerit illud eis sine dilatione emendari faciatis Has autem libertates et quietantias predictis abbati et monachis concessimus et presenti charta nostra confirmavimus pro salute anime nostre et pro animabus domini Johannis regis patris nostri et Henrici regis avi Henrici regis avi nostri et ipsius Henrici regis avi nostri et omnium antecessorum et successorum nostrorum sicut confirmatio predicti Johannis regis patris et charte Henrici regis avi Henrici regis avi nostri et ipsius Henrici regis avi nostri quas inde Habent rationabiliter testantur Et preterea concessimus et hac charta nostra confirmavimus abbati et monachis de Burthonia ex dono domini Johannis regis patris nostri unam feriam per tres dies duraturam videlicet in vigilia sancte Modvenne et in die et in crastino apud Burtoniam et ibidem unum forum in qualibet septimana scilicet die Jovis cum omnibus libertatibus et liberis consuetudinibus ad hujusmodi feriam et forum pertinentibus ita quod non sint ad nocumentum vicinarum feriarum et vicinorum mercatorum Et prohibemus ne quis eos super his vexet vel disturbet super foris facturam decem librarum sicut charta predicti Johannis regis patris nostri quam inde habent rationabiliter testatur His testibus H[uberto] de Burgo comite Cantie justiciario nostro [] Datum per manum venerabilis patris Radulphi de Neville cancellarii nostri apud Windesores xii die Maii anno regni nostri xi