Charter Document - 08070009

Henricus Dei gratia rex Anglie dominus Hybernie dux Normannie Aquitannie comes Andegavie archiepiscopis episcopis abbatibus prioribus comitibus baronibus justiciariis forestariis vicecomitibus prepositis ministris et omnibus ballivis et fidelibus suis salutem Sciatis quod nos intuitu Dei et pro salute anime nostre et animarum antecessorum nostrorum et successorum ad exaltationem sancte Ecclesie et emendationem regni nostri spontanea et bona voluntate nostra dedimus et concessimus archiepiscopis episcopis abbatibus prioribus comitibus baronibus et omnibus de regno nostro has libertates subscriptas tenendas in regno nostro Auglia in perpetuum In primis omnes foresta quas rex Henricus avus noster afforestavit videantur per bonos et legales homines et si boscum aliquem alium quam suum dominicum afforestaverit ad damnum cujus boscum fuerit deafforestetur et si boscum suum proprium afforestaverit remaneat foresta salva communa de herbagia et aliis in eadem foresta illis qui prius habere consueverunt Homines qui manent extra forestam non veniant de cetero coram justiciariis nostris de foresta per communes sum monitiones nisi sint in placito vel plegii alicujus vel aliquorum qui attachiati sunt propter forestam Omnes autem bosci qui fuerunt afforestati per regem Ricardum avunculum nostrum vel per regem Johannem patrem nostrum usque ad primam coronationem nostram statim deafforestentur nisi fuerit dominicus boscum noster Archiepiscopi episcopi abbates priores comites barones milites et libere tenentes qui bosco suos habent in forestis habeant bosco suos sicut eos habuerunt tempore prime coronationis predicti regis Henrici avi nostri ita quod quieti sint in perpetuum de omnibus purpresturis de vastis et essartis factis in illis bosci post illud tempus usque ad principium secundi anni coronationis nostre et qui de cetero vastum purpresturam vel essartum sine licentia nostra in illis bosci fecerint de vastis et essartis et purpresturis respondeant Regum ardores nostri eant per forestas ad faciendum regnandum sicut fieri consuevit tempore prime coronationis predicti regis Henrici avi nostri et non aliter Inquisitio vel visus de expeditatione canum existentium in foresta de cetero fiat quando fieri debet regnandum scilicet de tertio anno in tertium annum et tunc fiat per visum et testimonium legalium hominum et non aliter Et ille cujus canis inventus fuerit tunc non expeditatus det pro misericordia tres solidos Et de cetero nullus bos capiatur pro expeditatione Talis autem sit expeditatio per assisam comitatuum quod tres ortilli abscidantur sine pelota de pede anteriori Nec expeditentur canes de cetero nisi in locis ubi consueverunt expeditari tempore prime coronationis predicti regis Henrici avi nostri Nullus forestarius vel bedellus de cetero colligat garbas vel avenam vel bladum aliud vel agnos vel porcellos nec aliquam collectam faciat Et per visum et sacramentum duodecim regar udorum quando facient regnandum tot forestarii ponantur ad forestas custodiendas quot ad illas custodiendas rationabiliter viderint sufficere Nullum swanimotum teneatur in regno nostro nisi ter in anno videlicet in principio quindecim dierum ante festum Sancti Michaelis quando agistatores ad agistandum dominicos bosco nostros et circa festum Sancti Martini quando agistatores nostri debent recipere pannagium nostrum Et ad ista duo swanimota conveniant forestarii et viridarii et non alii per districtionem Et preterea singulis quadraginta diebus per totum annum conveniant viridarii et forestarii ad videndum attachiamenta de foresta tam de viridi quam de venatione per presentationem ipsorum forestariorum et coram ipsis attachiatis Predicta autem swanimota non teneantur nisi in comitatibus in quibus teneri consueverunt Unusquisque liber homo agistet boscum suum in foresta pro voluntate sua et habet pannagium suum Concedimus etiam quod unusquisque liber homo ducere possit porcos suos per dominicum boscum nostrum libere et sine impedimento ad agitandum eos in bosci suis propriis vel alibi ubi voluerit Et si porci alicujus liberi hominis una nocte pernoctaverant in foresta nostra non inde occasio nentur ita quod de suo perdat videatur furtive hoc facere Nullus de cetero amittat vitam vel membra pro venatione nostra sed si aliquis captus fuerit et convictus de captione venationis graviter redimatur si habeat unde redimi possit et si non habeat unde redimi possit jaceat in prisona nostra per unum annum et unum diem et si post unum annum et unum diem plegios invenire possit exeat a prisona sin autem abjuret regnum Anglie Quicumque archiepiscopus episcopus comes vel baro veniens ad nos ad mandatum nostrum transierit per forestam nostram liceat ei capere unam vel duas bestias per visum forestarii si presens fuerit sin autem sciat cornari ne Idem liceat eis in redeundo facere sicut predictum est Unusquisque liber homo de cetero sine occasione faciat in bosco suo vel in terra quam habet in foresta molendinum stagnum vivarium marleram fossatum vel terram arabilem extra coopertum in terra arabili ita quod non sit ad nocumentum alicujus vicini Unusquisque liber homo habeat in bosci suis aerias ancipitrum sparvariorum falconum aquilarum et ardearum et habeat similiter mel quod inventum fuerit in bosci suis Nullus forestarius de cetero qui non sit forestarius de feudo nobis reddens firmam pro ballivi sua capiat cheminagium aliquod in ballivi sua Forestarius autem de feudo nobis reddens firmam pro ballio sua capiat cheminagium videlicet pro carecta per dimidium annum duos denarios et per alium dimidium annum duos denarios et pro equo qui portat sum magium per dimidium annum unum obolum et per unum alium dimidium annum unum obolum et non nisi de illis qui de extra balliam suam tanquam mercatores veniunt per licentiam suam in ballio sua ad boscum corticem meiremium vel carbonem emendum et alias ducendum ubi voluerit Et de nulla carecta vel summagio aliquo cheminagium capiatur Et non capiatur nisi in locis illis ubi antiquitus solebat capi et debuit Illi autem qui portant super dorsum suum boscum corticem vel carbonem ad vendendum quamvis inde vivant nullum de cetero dent cheminagium Omnes ut legati pro foresta tantum a tempore regis Henrici avi nostri usque ad primam coronationem nostram veniant ad pacem nostram sine impedimento et salvos plegios inveniant quod de cetero non foris faciant nobis de foresta nostra Nullus castellanus vel alius teneat placita sive de viridi sive de venatione sed quilibet forestarius de feodo attachiet placita de foresta tam de viridi quam de venatione et ea presentet viridariis provinciarum et cum inrotulata fuerint et sub sigillis viridariorum inclusa presententur capitali forestario cum in partes illas venerit ad tenendum placita foreste et coram eo terminentur Has autem libertates de forestis concessimus omnibus archiepiscopis episcopis abbatibus prioribus comitibus baronibus militibus et aliis tam personis ecclesiasticis quam secularibus Templariis Hospitalariis salvis libertatibus et liberis consuetudinibus in forestis et extra in warennis et aliis quas prius habuerunt Omnes autem istas consuetudines predictas et libertates quas concessimus in regno nostro tenendas quantum ad nos pertinet erga nostros omnes de regno nostro tam clerici quam laici observent quantum ad se pertinet erga suos Pro hac autem concessione et donatione libertatum istarum et aliarum contentarum in majori charta nostra de aliis libertatibus archiepiscopi episcopi abbates priores comites et barones milites libere tenentes et omnes de regno nostro dederunt nobis quintam decimam partem omnium mobilium suorum Concessimus etiam eisdem pro nobis et heredibus nostris quod nec nos nec heredes nostri aliquid perquiremus per quod libertates in hac charta contente infringantur vel infirmentur Et si ab aliquo aliquid contra hoc perquisitum fuerit nihil valeat et pro nihilo habeatur His testibus domino Stephano [Langton] Cantuariensi archiepiscopo [Eustachio de Fauconberg] episcopo Londoniensi [Jocelino Troteman] episcopo Bathoniensi [Petro de Rupibus] episcopo Wintoniensi [Hugone Wellensi] episcopo Lincolniensi [Roberto de Bingham] episcopo Saresbyriensi [Henrico de Sandford] episcopo Roffensi [Gulielmo de Blois] episcopo Wigornensi [Johanne de Fontibus] episcopo Elyensi [Hugone Foliot] episcopo Herefordensi [Radulpho de Neville] episcopo Cicestriensi [Gulielmo Brewer] episcopo Exoniensi [Hugone de Northwold] abbate Sancti Edmundi [Gulielmo de Trumpington] abbate Sancti Albani [Ricardo] abbate de Bello [Roberto de Bello] abbate Sancti Augustini Cantuaria [Thoma de Merlebergh] abbate de Evesham [Ricardo de Barking] abbate Westmonasterii [Alexandro de Holdernesse] abbate de Burgo Sancti Petri [Simone] abbate de Radinges [Roberto de Henreth] abbate Abbendonie [Johanne Walensi] abbate Malmesburie [Thoma] abbate Winchecumb [Gualtero de Astone] abbate de Hyda [Alano] abbate Certeseie [Philippo] abbate Syreburn abbate de Cerne abbate Abbodesburie [Willelmo de Stokes] abbate de Midelton [Ricardo de Kellesay] abbate de Seleby [Rogero de Scarbrough] abbate de Witebi [Gualtero] abbate Cyrencestrie Huberto de Burgo justiciario R[anulpho Blundevil] comite Cestrie et Lincolnie [Willelmo de Longespee] comite Saresbyriensi [Willelmo] comite Warenne G[ilberto] de Clara comite Glovernie W[illelmo] de Ferrariis comite Derbeie W[illelmo] de Mandeville comite Essexie H[ugone] Bigot comite Norfolk W[illelmo de Fortibus] comite Aubemar H[umfrido de Bohun] comite Herefordie J[oanne de Lacy] constabulario Cestrie Roberto de Ros Roberto filio Walteri Roberto de Veteri Ponte W[illelmo] Briwar Ricardo de Munfichet Petro filio Herberti Matheo filio Herberti W[illelmo] de Albiniaco Roberto de Gresley R[eginaldo] de Breusa J[ohanne] de Monemu Johanne filio Alani H[ugone] de Mortemer W[illelmo] de Bello Campo W[illelmo] de Sancto Johanne P[etro] de Malo Lacu Briano de Insula Thoma de Moleton R[icardo] de Argent G[alfrido] de Neville W[illelmo] Maudut Johanne de Balun Datum apud Westmonasterium undecimo die Februarii anno regni nostri nono