Charter Document - 08070008

Henricus Dei gratia rex Anglie dominus Hybernie dux Normannie Aquitannie comes Andegavie archiepiscopis episcopis abbatibus prioribus comitibus baronibus vicecomitibus prepositis ministris et omnibus ballivis et fidelibus suis presentem chartam inspecturis salutem Sciatis quod nos intuitu Dei et pro salute anime nostre et animarum antecessorum nostrorum et successorum ad exaltationem sancte Ecclesie et emendationem regni nostri spontanea et bona voluntate nostra dedimus et concessimus archiepiscopis episcopis abbatibus prioribus comitibus baronibus et omnibus de regno nostro has libertates subscriptas tenendas in regno nostro Anglie in perpetuum Inprimis concessimus Deo et hac presenti charta nostra confirmavimus pro nobis et heredibus nostris in perpetuum quod Anglicana ecclesia libera sit et habeat omnia jura sua integra et libertates suas illesas Concessimus etiam et dedimus omnibus hominibus liberis regni nostri pro nobis et heredibus nostris in perpetuum has libertates subscriptas habendas et tenendas eis et heredibus suis de nobis et heredibus nostris in perpetuum Si quis comitum vel baronum nostrorum sive aliorum tenentium de nobis in capite per servitium militare mortuus fuerit et cum decesserit heres ejus plene etatis fuerit et relevium debeat habeat hereditatem suam per antiquam relevium scilicet heres vel heredes comitis de baronia comitis integra per centum libras heres vel heredes baronis de baronia integra per centum libras heres vel heredes militis de feudo militis integro per centum solidos ad plus et qui minus debuerit minus det secundum antiquam consuetudinem feudorum Si autem heres alicujus talium fuerit infra etatem dominus ejus non habeat custodiam ejus nec terre sue antequam homagium suum ceperit Et postquam talis heres fuerit in custodia cum ad etatem pervenerit scilicet viginti et unius anni habeat hereditatem suam sine relevio et sine fine Ita tamen quod si ipse dum infra etatem fuerit fiat miles nihilominus terra remaneat in custodia dominorum suorum usque ad terminum predictum Custos terre hujusmodi heredis qui infra etatem fuerit non capiat de terra heredis nisi rationabiles exitus et rationabiles consuetudines et rationabilia servitia et hoc sine destructione et vasto hominum vel rerum Et si nos commiserimus custodiam alicujus talis terre vicecomiti vel alicui alii qui de exitibus terre illius nobis debeat respondere et ille destructionem de custodia fecerit vel vastum nos ab illo capiemus emendationem et terra committatur duobus legalibus et discretis hominibus de feudo illo qui de exitibus nobis respondeant vel ei cui assignaverimus Et si dederimus vel vendiderimus alicui custodiam alicujus talis terre et ille destructionem inde fecerit vel vastum amittat ipsam custodiam et tradatur duobus legalibus et discretis hominibus de feudo illo qui similiter nobis respondeant sicut predictum est Custos autem quamdiu custodiam terra habuerit sustentet domos parcos vivaria stagna molendina et cetera ad terram illam pertinentia de exitibus terre ejusdem et reddat heredi cum ad etatem plenam pervenerit terram suam totam instauratam de carrucis et omnibus aliis rebus ad minus secundum quod illam recepit Hec omnia observentur de custodiis archiepiscopatuum episcopatuum abbatiarum prioratuum ecclesiarum et dignitatum vacantium que ad nos pertinent excepto quod hujusmodi custodie vendi non debent Heredes maritentur absque disparatione Vidua post mortem mariti sui statim et sine difficultate aliqua habeat maritagium suum et hereditatem suam nec aliquid det pro dote sua vel pro maritagio suo vel pro hereditate sua quam hereditatem maritus suus et ipsa tenuerunt die obitus ipsius mariti sui et maneat in capitali mesuagio ipsius mariti sui per quadraginta dies post obitum ipsius mariti infra quos assignetur ei dos sua nisi prius ei fuerit assignata vel nisi domus illa sit castrum Et si de castro recesserit statim provideatur ei domus competens in qua possit honeste morari quousque dos sua ei assignetur sicut predictum est Et habeat rationabile estoverium suum interim de communi Assignetur autem ei pro dote sua tertia pars totius terre mariti sui que sua fuit in vita sua nisi de minori fuerit dotata ad ostium ecclesie Nulla vidua distringatur ad se maritandam dum vivere voluerit sine marito ita tamen quod securitatem faciat quod se non maritavit sine assensu nostro vel sine assensu domini sui si de alio tenuerit Nos vero vel ballivi nostri non seisiemus terram aliquam nec redditum pro debito aliquo quamdiu catella debitoris presentia sufficiant ad debitum reddendum et ipse debitor paratus sit inde satisfacere Nec plegii ipsius debitoris distringantur quamdiu ipse capitalis debitor sufficiat ad solutionem debiti Et si capitalis debitor defecerit in solutione debiti non habens unde reddat aut reddere nolit cum possit plegii respondeant pro debito et si voluerint habeant terras et redditus debitoris quousque sit eis satisfactum de debito quod ante pro eo solverunt nisi capitalis debitor monstraverit se esse quietum versus eosdem plegios Civitas Londoniarum habeat omnes antiquas libertates et liberas consuetudines suas Preterea volumus et concedimus quod omnes alie civitates et burgi et ville et barones de quinque portubus et omnes portus habeant omnes libertates et liberas consuetudines suas Nullus distringatur ad faciendum majus servitium de feudo militis nec de alio libero tenemento quam inde debetur Communia placita non sequantur curiam nostram sed teneantur in aliquo loco certo Recognitionis de nova disseisina et de morte antecessoris non capiantur nisi in comitatibus suis et hoc modo nos vel si extra regnum fuerimus capitalis justiciarius noster mittemus justiciarios per unum quemque comitatum semel in anno qui cum militibus comitatuum capiant assisas predictas Et ea que in illo adventu suo in comitatu per justiciarios predictos ad dictas assisas capiendas missos terminari non possunt per eosdem terminentur alibi in itinere suo Et ea que per eosdem propter difficultatem aliquorum articulorum terminari non possunt referantur ad justiciarios nostros de banco et ibi terminentur Liber homo non admercietur pro parvo delicto nisi secundum modum ipsius delicti et pro magno delicto secundum magnitudinem delicti salvo contene mento suo Et mercator eodem modo salva mercandis a sua et villanus alterius quam noster eodem modo amer cietur salvo wainagio suo si inciderit in misericordiam nostram Et nulla predictarum misericordiarum ponatur nisi per sacramentum proborum et legalium hominum de vis neto Comites et barones non amercientur nisi per pares suos et non nisi secundum modum delicti Nulla ecclesiastica persona amer cietur secundum quantitatem beneficii sui ecclesiastici sed secundum laicum tenementum suum et secundum quantitatem delicti Nec villa nec burga nec homo distringatur facere pontes ad riparia nisi qui ex antiquo et de jure facere debet Nulla riparia de cetero defendatur nisi ille que fuerunt in defenso tempore regis Henrici avi nostri per eadem loca et eosdem terminos sicut esse consueverunt tempore suo Nullus vicecomes constabularius coronatores vel alii ballivi nostri teneant placita corone nostre Si aliquis tenens de nobis laicum feudum moriatur et vicecomes vel ballivus noster ostendat literas nostras patentes de sum monitione nostra de debito quod defunctus nobis debuit liceat vicecomiti vel balivo nostro attachiare et in breviare catella defuncti inventa in laico feudo ad valentiam illius debiti per visum legalium hominum ita tamen quod nihil inde amoveatur donec persolvatur nobis debitum quod clarum fuerit et relinquatur executoribus ad faciendum testamentum defuncti Et si nihil nobis debeatur ab ipso omnia catella cedant defuncto salvis uxori ipsius et pueris suis rationabilibus partibus suis Nullus constabularius vel ejus ballivus capiat blada vel alia catella alicujus qui non sit de villa ubi castrum situm est nisi statim inde reddat denarios aut respectum inde habere possit ex voluntate venditoris Si autem de ipsa villa fuerit infra quadraginta dies pretium reddat Nullus constabularius distringat militem aliquem ad dandum denarium pro custodia castri si ipse voluerit facere in propria persona vel per alium probum hominem si ipse eam facere non possit propter rationabilem causam Et si nos duxerimus eum vel miserimus in exercitum erit quietus de custodia castri secundum quantitatem temporis quo per nos fuerit in exercitu de feudo pro quo fecit servitium in exercitu Nullus ballivus vel vicecomes vel alius capiat equos aut carecta alicujus pro cariagio faciendo nisi reddat liberationem antiquitus statutam scilicet pro carecta ad duos equos decem denarios per diem et pro carecta ad tres equos quatuordecim denarios per diem Nulla carecta alicujus ecclesiastice persone vel militis vel alicujus domine capiatur per ballivos predictos nec nos nec ballivi nostri nec alii capiemus alienum boscum ad castra vel aliqua agenda nostra nisi per voluntatem ipsius cujus boscum ille fuerit Nos vero non tenebimus terras eorum qui convicti fuerint de felonia nisi per unum annum et unum diem et tunc reddantur terre dominis feudorum Omnes fideli de cetero deponantur per Tamisiam et Medeweyam et per totam Angliam nisi per costeram maris Breve quod vocatur precipe de cetero non fiat alicui de aliquo tenemento unde liber homo perdat curiam suam Una mensura vini sit per totum regnum nostrum et una mensura cervisie et una mensura bladi scilicet quartarium Londoniense et una latitudo pannorum tinctorum et ruisset torum et herba rhetorum scilicet due ulna infra istas De ponderibus vero sit ut de mensuris Nihil detur de cetero pro brevi inquisitionis ab eo qui inquisitionem petit de vita vel membris sed gratis concedatur et nulli negetur Si aliquis teneat de nobis per feudi firmam vel socagium vel burgagium et de alio terram teneat per servitium militare nos non habebimus custodiam heredis vel terre sue que est de feudo alterius occasione illius feudi firme vel socagii vel burgagii Nec habebimus custodiam illius feodi firme vel socagii vel burgagii nisi ipsa feodi firma debent servitium militare Nos non habebimus custodiam heredes nec terre alicujus quam tenet de alio per servitium militare occasione alicujus parve serganterie quam tenet de nobis per servitium reddendi cultellos vel sagittas vel hujusmodi Nullus ballivus aliquem ponat de cetero ad legem manifestam vel ad juramentum simplici loquela sua sine testibus fidelibus ad hoc inductis Nullus liber homo capiatur vel imbri sonetur aut disseisietur de aliquo libero tenemento suo vel libertatibus vel liberis consuetudinibus suis aut ut legetur aut exulet aut aliquo alio modo destruatur nec super eum ibimus nec super eum mittemus nisi per legale judicium parium suorum vel per legem terre Nulli vendemus nulli negabimus aut differemus rectum vel justitiam Omnes mercatores nisi publice antea prohibiti fuerint habeant salvum et securum exire de Anglie et venire in Angliam et morari et ire per Angliam tam per terram quam per aquam ad emendum vel vendendum sine omnibus totius malis per antiquas et rectas consuetudines preterquam in tempora gwerra Et si sint de terra contra nos gwerrane et si tales inveniantur in terra nostra in principio gwerra attachiantur sine damno corporum vel rerum donec sciatur a nobis vel a capitali justiciario nostro quomodo mercatores terre nostre tractentur qui tunc inveniuntur in terra contra nos gwerrane et si nostri salvi sint ibi alii salvi sint in terra nostra Si quis tenuerit de aliqua eschaeta sicut de honore de Walingford Bolonia Notinghamia Lanchastria vel de aliis eschaetis que sunt in manu nostra et sit baronia et obierit heres ejus non det aliud relevium nec faciat nobis aliud servitium quam faceret baroni si ipsa esset in manu baronis Et nos eodem modo tenebimus quo baro eam tenuit Nec nos occasione talis baronia vel eschaeta habebimus aliquam eschaetam vel custodiam aliquorum hominum nostrorum nisi alibi tenuerit de nobis in capite ille qui tenuit baroniam vel eschaetam Nullus liber homo de cetero det amplius alicui vel vendat de terra sua quam ut de residuo terre sue possit sufficienter fieri domino feodi servitium ei debitum quod pertinet ad feodum illud Omnes patroni abbatiarum qui habent chartas regum Anglie de advocatione vel antiquam tenueram vel possessionem habeant earum custodiam cum vacaverint sicut habere debent et sicut supra declaratum est Nullus capiatur vel imbri sonetur propter appellam femina de morte alterius quam viri sui Nullus comitatus de cetero teneatur nisi de mense in mensem et ubi major terminus esse solebat major sit Nec aliquis vicecomes vel ballivus faciat tornum suum per hundredum nisi bis in anno et non nisi in loco debito et consueto videlicet semel post Pascha et iterum post festum Sancti Michaelis Et visus de franco plegio tunc fiat ad illum terminum Sancti Michaelis sine occasione ita scilicet quod quilibet habeat libertates suas quas habuit et habere consuevit tempore regis Henrici avi nostri vel quas postea perquisivit Fiat autem visus de franco plegio sic videlicet quod pax nostra teneatur et quod retinga integra sit sicut esse consuevit et quod vicecomes non querat occasiones sed quod contentus sit eo quod vicecomes habere consuevit tempore regis Henrici avi nostri de visu suo faciendo Non liceat alicui de cetero dare terram suam alicui domui religiose ita quod illam resumat tenendam de eadem domo Nec liceat alicui domui religiose terram alicujus sic recipere quod tradat illam ei a quo ipsam recepit tenendam Si quis terram suam alicui domui religiose sic dederit et super hoc convincatur donum suum penitus cassetur et terra illa domino suo illius feodi incurratur Scutagium de cetero capiatur sicut capi solebat tempore regis Henrici avi nostri Et salve sint archiepiscopis episcopis abbatibus prioribus templariis hospitalariis comitibus baronibus et omnibus aliis tam ecclesiasticis quam secularibus personis libertates et libere consuetudines quas prius habuerunt Omnes autem istas consuetudines predictas et libertates quas concessimus in regno nostro tenendas quantum ad nos pertinet erga nostros omnes de regno nostro [tam clerici quam laici] observent quantum ad se pertinet erga suos Pro hac autem donatione et concessione libertatum istarum et aliarum libertatum contentarum in libertatibus foreste archiepiscopi episcopi abbates priores comites barones milites libere tenentes et omnes de regno nostro dederunt nobis quintam decimam partem omnium mobilium suorum Concessimus etiam eisdem pro nobis et heredibus nostris quod nec nos nec heredes nostri aliquid perquiremus per quod libertates in hac charta contente infringantur vel infirmentur Et si ab aliquo aliquid contra hoc perquisitum fuerit nihil valeat et pro nihilo habeatur His testibus domino Stephano [Langton] Cantuariensi archiepiscopo [Eustachio de Fauconberg] episcopo Londoniensi [Jocelino Troteman] episcopo Bathoniensi [Petro de Rupibus] episcopo Wintoniensi [Hugone Wellensi] episcopo Lincolniensi [Roberto de Bingham] episcopo Saresbyriensi [Henrico de Sandford] episcopo Roffensi [Gulielmo de Blois] episcopo Wigornensi [Johanne de Fontibus] episcopo Elyensi [Hugone Foliot] episcopo Herefordensi [Radulpho de Neville] episcopo Cicestriensi [Gulielmo Brewer] episcopo Exoniensi [Hugone de Northwold] abbate Sancti Edmundi [Gulielmo de Trumpington] abbate Sancti Albani [Ricardo] abbate de Bello [Roberto de Bello] abbate Sancti Augustini Cantuaria [Thoma de Merlebergh] abbate de Evesham [Ricardo de Barking] abbate Westmonasterii [Alexandro de Holdernesse] abbate de Burgo Sancti Petri [Simone] abbate de Radinges [Roberto de Henreth] abbate Abbendonie [Johanne Walensi] abbate Malmesburie [Thoma] abbate Winchecumb [Gualtero de Astone] abbate de Hyda [Alano] abbate Certeseie [Philippo] abbate Syreburn abbate de Cerne abbate Abbodesburie [Willelmo de Stokes] abbate de Midelton [Ricardo de Kellesay] abbate de Seleby [Rogero de Scarbrough] abbate de Witebi [Gualtero] abbate Cyrencestrie Huberto de Burgo justiciario R[anulpho Blundevil] comite Cestrie et Lincolnie [Willelmo de Longespee] comite Saresbyriensi [Willelmo] comite Warenne G[ilberto] de Clara comite Glovernie W[illelmo] de Ferrariis comite Derbeie W[illelmo] de Mandeville comite Essexie H[ugone] Bigot comite Norfolk W[illelmo de Fortibus] comite Aubemar H[umfrido de Bohun] comite Herefordie J[oanne de Lacy] constabulario Cestrie Roberto de Ros Roberto filio Walteri Roberto de Veteri Ponte W[illelmo] Briwar Ricardo de Munfichet Petro filio Herberti Matheo filio Herberti W[illelmo] de Albiniaco Roberto de Gresley R[eginaldo] de Breusa J[ohanne] de Monemu Johanne filio Alani H[ugone] de Mortemer W[illelmo] de Bello Campo W[illelmo] de Sancto Johanne P[etro] de Malo Lacu Briano de Insula Thoma de Moleton R[icardo] de Argent G[alfrido] de Neville W[illelmo] Maudut Johanne de Balun Datum apud Westmonasterium undecimo die Februarii anno regni nostri nono