Charter Document - 08060006
| Charter Number: | 08060006 |
|---|---|
| Cartulary Title: | Annales de Theokesberia [Tewkesbury] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1263 |
| Date type: | Assigned |
| Resource Link(s): |
British Library - Cotton MS Cleopatra A VII (f69r,p147) |
Charter:
Porro constet quod legatus mittatur ad vos in manu potenti scilicet cum potentia domini regis Francie ad omnes provisiones revocandas et quicquid hactenus actum sit vobiscum et ad puniendum gravissime omnes presentis perturbationis auctores Quod si admiserint viri nobiles paulatim confundentur et evanescent Si non admiserint ex communicabuntur et terra interdicetur et postmodum invocabitur contra eos brachium seculare Unde si justam causam non habeant nobiles viri aut si forte premissis resistere non valent expediret eis super omnibus se ad invicem conformare ante adventum legati scientes quod si succumbant aut bello aut alias per admissionem legati se exheredari qui alios ejecerunt Caveat dominus Symon de Monteforti quia dicitur quod alios etiam alienigenas persecuturus eiciendo alios infra protegendo qua etiam fronte potuit idem Symon terras domini Johannis Mansel suo proprio filio conferre et hujusmodi facere similia que pro certo patientur recidivam Non enim sui aut suorum vacare debent spoliis aut lucris si pro communi bono laboraret Creditur quod dominus rex Francie sit valde pronus ad intrandum Angliam dum tamen ab ista ecclesia hoc sibi injungatur quod non diebus nec noctibus cessat scribere quod legatus ad vos transmittatur Unde si viribus resistere proponant nobiles omnino ad pugnam parent se pro patria et pro seipsis mare super omnia muniendo et sibi in Hibernia Wallia Scotia amicitias copulando et ab in festivis inimicitiis precavendo quia si hoc non habuerint non subsistent Prospiciant etiam sibi quod tempore Martis omnes equi religiosorum et clericorum cum eorum famelicis et laicis et de qualibet villa liberi et prepositi et potentes sint preparati ad bellum terram et propria capita defensuri et talibus excrescet exercitus maximus sine damno subditorum Prospiciendum etiam esset quod si moreretur dominus Symon qui jam senuit quod in loco ejus alius capitaneus subrogaretur Hec et similia hic dicimus et sentimus pelli nostre et vestre timentes et maxime quia dicimini [ut] adeo faciles ad dissentiendum sitis scituri quod legatus veniet sicut prescripsi dominus Sabinensis vir bonus et discretus cui multa injungentur Quia pro certo