Charter Document - 08051001
| Charter Number: | 08051001 |
|---|---|
| Cartulary Title: | Memoirs Illustrative of the History and Antiquities of the County and City of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1278 |
| Date type: | Internal, A.D., Calendar, Episcopal |
| Resource Link(s): |
Reference Document for this Embedded Document |
Charter:
Ricardus miseracione divina Lincolniensis episcopus religiosis viris priori et conventui de Drax Eboracensis dioecesis salutem in omnium salvatore Visis litteris et instrumentis et plenius intellectis per que vobis ecclesiam de Salteby nostre dioecesis in usus proprios de consensu bone memorie Willelmi Paganelli fundatoris vestri et ejusdem ecclesie patroni auctoritate felicis recordacionis Hugonis et Roberti predecessorum nostrorum evidenter apparet extitisse concessam ac auctoritate quarum dem litterarum a sede apostolica concessarum necnon auctoritate litterarum quarum dem a sanctis patribus quibusdam Cantuariensis ecclesie archiepiscopis indultarum sicut ex ipsarum litterarum tenore plenius ostenditur confirmatam Nos attendentes quod in favore sacre religionis variis ex causis predictorum patrum pietas circa dictam appropriacionem et appropriacionis facte confirmacionem utilitatem monasterii vestri de Drax ad divini cultus augmentum zelo caritatis extitit prosecuta vestris devotis supplicacionibus annuentes quibus humiliter petitis factum predictorum patrum nostro vallari consensu dicte appropriationis vobis facte pontificalem probemus assensum Attemptantesque quod zelo devotionis vestre ad nostram et successorum nostrorum nominacionem quotiens vicaria ecclesie predicte quam nostre taxationi reservamus canonice ordinandam vacare contigerit personas a nobis et successoribus nostris vobis oportuno tempore nominandis presentare curabitis ad eandem ut dum per industriam pontificalem cure prospectus extiterit animarum emergentibus plerumque letalibus anime periculis cautius obvietur dictam ecclesiam in predicta forma vobis per dictos patres concessam in usus proprios confirmamus et ut eam sic inperpetuum valeatis licite retinere sine juris alterius prejudicio vobis auctoritate pontificali plenam concedimus tenore presentium in domino facultatem salvis archidiacono Leycestrie qui pro tempore fuerit consueta et debita procuratione et quatuor solidis annuis pro recompensacione se que strata in festo Sancti Michaelis annuatim percipiendis de ecclesia memorata cum omni alio jure archidiaconali salva scilicet in omnibus Lincolniensis ecclesie dignitate In cujus rei testimonio sigillum nostrum presentibus est appensum Datum apud Lidington xi kalendas Martii anno gratie MCC septuagesimo septimo et pontificatus nostri vicesimo