Charter Document - 08042416
| Charter Number: | 08042416 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1189 - 1199 |
| Date type: | Assigned |
| Resource Link(s): |
Reference Document for this Embedded Document |
Charter:
Hamelinus comes Warennie omnibus baronibus suis et omnibus hominibus suis Francis et Anglicis et amicis suis clericis et laicis tam presentibus quam futuris salutem Omnibus vobis notum facio quod ego assensu et voluntate Isabelle comitisse Warennie uxoris mee et Willelmi de Warenn filii et heredis mei dedi et concessi et presenti carta mea confirmaui deo et sanctissimo sepulcro et canonicis ibidem deo seruientibus locum et sedem ecclesie sancti sepulcri de Theford cum quadrigati terre infra campos ipsius ville libere et quiete sicut carta Willelmi comitis Warenn antecessoris mei testatur in puram et perpetuam elemosinam pro amore domini nostri Jesu Christi et sui sanctissimi sepulcri et pro remissione peccatorum meorum et Isabelle comitisse uxoris mee et Willelmi filii mei et pro salute anime Henrici regis fratris mei et Gaufridi comitis Andegauie patris mei et pro animabus omnium antecessorum et successorum et parentum meorum uiuorum ac defunctorum et omnium fidelium Ideoque volo et precipio quod isti canonici mei predicte ecclesie habeant saca et soca tol et tem et infangethef et ecclesias et decimas tocius dominii mei et omnium terrarum mearum quas tradidi hominibus meis de Theford de dominio meo quicunque de me in villa de Theford terram tenuerit et coluerit Homines eciam et terras et faldas et pascua et omnia sua infra burgum et extra burgum bene et in pace et honorifice cum omni ecclesiastica libertate teneant sicut unquam rex Ricardus Anglie melius et liberius tenuit et michi dedit Concedo eciam predictis canonicis ferias trium dierum unam scilicet in inuencione sancte crucis in Maio et aliam in festiuitate sancti sepulcri et terciam in exaltacione sancte crucis solas et quietas de omni consuetudine cuntis venientibus et redeuntibus et ibi manentibus illis mea firma pace concessa Si quis autem super hoc aliquid eis foris fecerit aut contumeliam ingereret cito emendetur super decem libras forisfacture Huius donacionis et confirmacionis hii sunt testes Willelmus de Warennie filius Reginaldi de Warennie Radulphus de Plaiz Rogerus de Kailli []