Charter Document - 08041416
| Charter Number: | 08041416 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1138 - 1147 |
| Date type: | Assigned |
| Resource Link(s): |
Reference Document for this Embedded Document |
Charter:
Willelmus comes Warennie omnibus baronibus suis et omnibus hominibus suis Francis et Anglicis et amicis suis clericis et laicis tam presentibus quam futuris salutem Omnibus vobis notum facio me concessisse et dedisse deo et sanctissimo sepulcro locum et sedem ecclesie sancti sepulcri de Theford cum quadrigata terre infra campos ipsius ville libere et quiete in perpetuam elemosinam pro amore domini nostri Jesu Christi ac sui sanctissimi sepulcri pro remissione peccatorum meorum et pro salute anime Willelmi comitis patris mei et pro remissione peccatorum matris mee Isabelle et fratrum meorum Radulphi Warennie et Reginaldi Warennie parentumque meorum viuorum ac defunctorum et omnium fidelium Et uolo et precipio ut isti canonici mei predicte ecclesie habeant saca et soca tol et tem et infangethef etiamque ecclesias et decimas meas de Theford et homines et terras et faldas et pascua et omnia sua infra burgum et extra bene et in pace et honorifice cum omni ecclesiastica libertate teneant sicut unquam rex Stephanus melius et liberius tenuit et michi dedit Concedo etiam eis feriam duorum dierum scilicet in inuencione sancte crucis in Maio et aliam in exaltacione solam et quietam de omni consuetudine cuntis venientibus et ibi manentibus et redeuntibus illis mea firma pace concessa Si quis autem super hoc aliquid eis forisfecerit aut contumeliam ingereret cito emendetur super decem libras forisfacture Necnon et palmiferis fratribus meis et burgensibus et omnibus fidelibus amicis meis precor et precipio ac uolo ut istam meam elemosinam et suam pro posse suo fideliter manu teneant et exaltent Huius donacionis et confirmacionis hii testes sunt Radulphus Warenn Reginaldus Warenn Radulphus de Bailol []